വായ്പുണ്ണ് വീട്ടിൽ തന്നെ ചികിത്സിക്കാൻ തേൻ നന്നായി പ്രവർത്തിക്കുന്നു. ഇതിലെ ആൻറി ബാക്ടീരിയൽ ഗുണങ്ങൾക്കാണ് ഇതിന് നന്ദി പറയേണ്ടത്. തേൻ പ്രശ്നം ബാധിച്ച പ്രദേശത്ത് ഈർപ്പം നൽകി വരണ്ടതാക്കുന്നത് തടയുന്നു. ശുദ്ധമായ തേനിൽ ഒരു നുള്ള് മഞ്ഞൾ ചേർക്കുന്നത് വായ്പുണ്ണ് വേഗത്തിൽ ഭേദമാക്കും.മികച്ച ഫലങ്ങൾക്കായി ഒരു ദിവസം ഇത് മൂന്നോ നാലോ തവണ പ്രയോഗിക്കുക.
വെളിച്ചെണ്ണ എളുപ്പത്തിൽ ലഭ്യമായ ഒരു ഒറ്റമൂലിയാണ്. അത് ആൻറി ഫംഗസ്, ആൻറി വൈറൽ ഗുണങ്ങൾ എന്നിവയ്ക്കൊപ്പം വീക്കം തടയുവാൻ സഹായിക്കുന്ന ആൻറി-ഇൻഫ്ലമേറ്ററി സവിശേഷതകൾ കൊണ്ട് സമ്പന്നവുമാണ്. ഇത് വേദനയുടെ മറുമരുന്നായി പ്രവർത്തിക്കുകയും ഉടനടി ആശ്വാസം നൽകുകയും ചെയ്യുന്നു. മികച്ച ഫലങ്ങൾക്കായി ഈ പരിഹാരം ദിവസത്തിൽ പല തവണ വായ്പുണ്ണ് ബാധിച്ച പ്രദേശത്ത് പ്രയോഗിക്കാൻ കഴിയും. ഒരല്പം വെളിച്ചെണ്ണ പ്രശ്നം ബാധിത പ്രദേശത്ത് പുരട്ടി വേദന കുറയ്ക്കാം.
കറ്റാർ വാഴ ജ്യൂസ് പതിവായി ഉപയോഗിക്കുമ്പോൾ വായ്പുണ്ണ് മൂലമുണ്ടാകുന്ന വേദന കുറയും. ഇത് രോഗശാന്തി പ്രക്രിയയെ വേഗത്തിലാക്കുകയും വേദന നിയന്ത്രിക്കുകയും ചെയ്യുന്നു. വായിൽ അൾസർ ഉണ്ടാകുന്നത് ഒഴിവാക്കാൻ ദിവസേന രണ്ടുതവണ കറ്റാർ വാഴ ജ്യൂസ് കൊണ്ട് വായ കഴുകുക.കറ്റാർ വാഴ ജ്യൂസ് ഇല്ലെങ്കിൽ, കറ്റാർ വാഴ ജെൽ പ്രശ്ന ബാധിത പ്രദേശത്ത് പുരട്ടുക!
ഔഷധഗുണങ്ങളാൽ സമ്പന്നമായ തുളസി വായിൽ ഉണ്ടാകുന്ന വ്രണം സുഖപ്പെടുത്താൻ ഫലപ്രദമായി പ്രവർത്തിക്കുന്നു. ഇതിന്റെ ആൻറി ബാക്ടീരിയൽ ഗുണങ്ങൾ വ്രണം ബാധിത പ്രദേശത്തെ അണുവിമുക്തമാക്കുന്നതിന് അനുയോജ്യമായ ഒരു തിരഞ്ഞെടുപ്പാക്കി മാറ്റുന്നു, അങ്ങനെ രോഗശാന്തി പ്രക്രിയ വേഗത്തിലാക്കുന്നു. വായ്പുണ്ണിന്റെ വേദന ഒഴിവാക്കാൻ തുളസി ഇലകൾ ചവച്ചരച്ച് ദിവസത്തിൽ രണ്ടുതവണ ചെറുചൂടുള്ള വെള്ളത്തിൽ വായ കഴുകുക.
നിരവധി അസുഖങ്ങൾക്ക് പരിഹാരമായി ഉപയോഗിക്കുന്ന ഒരു ജനപ്രിയ ഗാർഹിക പരിഹാരമാണ് ആപ്പിൾ സിഡർ വിനാഗിരി. വ്രണങ്ങൾക്ക് കാരണമാകുന്ന ബാക്ടീരിയകളെ നശിപ്പിക്കുവാൻ ഇതിന്റെ അസിഡിക് സ്വഭാവം ഫലപ്രദമായി പ്രവർത്തിക്കുന്നു. വേദന അകറ്റുവാനായി ഈ സമ്മിശ്രണം ഉപയോഗിച്ച് നിങ്ങളുടെ വായ കഴുകുക.
ഉപ്പുവെള്ളം ഉപയോഗിക്കുമ്പോൾ വ്രണത്തിൽ വേദന ജനിപ്പിക്കുമെങ്കിലും, വായയിലെ വ്രണം ഫലപ്രദമായി ഉണക്കുവാൻ സാധിക്കും. വ്രണങ്ങളെ സുഖപ്പെടുത്തുന്നതിനും ബാക്ടീരിയകൾ കുറയ്ക്കുന്നതിനും പണ്ടുകാലം മുതൽക്കേ ഉപയോഗിക്കുന്ന ഒരു ഫലപ്രദമായ പരിഹാരമാണ് ഉപ്പ്. വായ്‌നാറ്റത്തിന് കാരണമാകുന്ന ബാക്ടീരിയകളെ കുറയ്ക്കുന്നതിന് സഹായിക്കുന്ന മൗത്ത് വാഷ് എന്ന നിലയ്ക്കും ഇത് ഗുണകരമാണ്.
