നിയമസഭയിലിരുന്നു അശ്ലീലമായ വീഡിയോ കണ്ട കോണ്ഗ്രസ് നേതാവ് പ്രകാശ് റാത്തോഡിന്റെ ദൃശ്യം ക്യാമറയില് . വെള്ളിയാഴ്ച വിധാന് പരിഷത്ത് പകര്ത്താന് വന്ന വിഡിയോഗ്രാഫറാണ് ദൃശ്യങ്ങള് പകര്ത്തിയത്. പ്രാദേശിക ചാനലായ പവര് ടി.വിയുടെ ക്യാമറാമാനാണ് ദൃശ്യം പകര്ത്തിയത്. ഫോണില് ശേഖരിച്ചിരുന്ന പോണ് വിഡിയോകളിലൂടെ ഇയാള് കടന്നു പോകുന്ന ദൃശ്യങ്ങളാണ് കാമറയില് കുടുങ്ങിയത്. സംഭവം വലിയ വിവാദത്തിന് തിരികൊളുത്തി.ഇതിനിടെ വിശദീകരണവുമായി റാത്തോഡ് രംഗത്ത് വന്നു. അശ്ലീല വീഡിയോ കണ്ടില്ല.
മന്ത്രിയോട് ചോദിക്കാനുള്ള ചോദ്യത്തിനുവേണ്ടി സെര്ച്ച് ചെയ്യുകയായിരുന്നു. അപ്പോഴാണ് ഫോണില് സ്റ്റോറേജ് സ്പേസ് ഇല്ലെന്ന് കണ്ടെത്തിയത്. അതിനാല് ഇത്തരത്തിലുള്ള സന്ദേശങ്ങള് ഡിലീറ്റ് ചെയ്യുകയായിരുന്നു എന്നും റാത്തോഡ് വിശദീകരിച്ചു. റാത്തോഡിനെ സഭയില് നിന്ന് സസ്പെന്ഡ് ചെയ്യണമെന്ന് ബി.ജെ.പി ആവശ്യപ്പെട്ടു.സമാനമായ വിവാദം 2012ലും കര്ണാടക നിയമസഭയില് അരങ്ങേറിയിരുന്നു. അന്ന് ബി.ജെ.പി മന്ത്രിമാരായ ലക്ഷ്മണ് സാവഡി, സിസി പാട്ടീല്, കൃഷ്ണ പലേമര് എന്നിവരാണ് അശ്ലീല ദൃശ്യങ്ങള് കണ്ടതിന് പിടിക്കപ്പെട്ടിരുന്നത്.
