വീണ നായർ മലയാളികളുടെ പ്രിയപ്പെട്ട താരമാണ്. താരം ബിഗ്സ്ക്രീനിലും മിനിസ്ക്രീനിലും ഒരുപോലെ സജീവമാണ്. കൂടാതെ വീണ ബിഗ്ബോസ് സീസൺ രണ്ടിലെ മത്സരാർത്ഥിയായിരുന്നു. നടി സോഷ്യൽ മീഡിയകളിലും വളരെ സജീവമാണ്. തന്റെ വിശേഷങ്ങളും ചിത്രങ്ങളും താരം സോഷ്യൽ മീഡിയയിലൂടെ ആരാധകരുമായി പങ്കുവെക്കാറുണ്ട്. അടുത്തിടെ താരം വിവാഹമോചിതയായി എന്ന തരത്തിൽ ഗോസിപ്പുകൾ പ്രചരിച്ചിരുന്നു. പിന്നാലെ നടി ഡിവോഴ്സും നേടിയിരുന്നു. ഇപ്പോളിതാ മാതാപിതാക്കളെക്കുറിച്ച് പറയുകയാണ് താരം, വാക്കുകളിങ്ങനെ, അച്ഛനും അമ്മയും ഉണ്ടായിരിക്കുന്ന സമയം ആണ് ഏറ്റവും നല്ലത്. അതെല്ലാവർക്കും അങ്ങനെയാണ്. എനിക്കിപ്പോൾ അവർ ഇല്ലാത്തത് കൊണ്ട് തന്നെ ഉണ്ടായിരുന്ന സമയം ആയിരുന്നു ഏറ്റവും നല്ലത്. കണ്ണുള്ളപ്പോൾ കണ്ണിന്റെ വില അറിയില്ല. ഇല്ലാത്തപ്പോഴാണ് അതിന്റെ പ്രശ്നം അറിയുന്നത്.
എന്നെ അറിയുന്നവർക്കെല്ലാം അറിയാം അച്ഛനും അമ്മയും ഉണ്ടായിരുന്ന സമയത്ത് മിക്കവാറും ലൊക്കേഷനിൽ അവർ രണ്ട് പേരും ഉണ്ടാവും. ഞാൻ തനിച്ചങ്ങനെ ഷൂട്ടിംഗിന് പോവാറെ ഇല്ലായിരുന്നു. ആ സമയത്ത് ടെൻഷൻ ഇല്ലല്ലോ. അച്ഛനും അമ്മയും കൂടെയുള്ള സമയത്ത് അവരാണല്ലോ എല്ലാം നോക്കുന്നത്. എത്രയും വേഗം കല്യാണം കഴിഞ്ഞ് വലുതായാൽ മതിയായിരുന്നു എന്നാണ് അന്ന് ചിന്തിച്ചത്. പക്ഷെ ഇപ്പോൾ വലുതായപ്പോൾ കൊച്ചായിട്ടിരുന്നാൽ മതിയായിരുന്നെന്ന് തോന്നുന്നു. അച്ഛന്റെ പേര് ബാബു എന്നാണ്, ലതിക അമ്മ. ഇവർ രണ്ട് പേരും ഇപ്പോൾ ഇല്ല. അമ്മയ്ക്കിഷ്ടം ആയിരുന്നെങ്കിലും അച്ഛനായിരിക്കുന്നു അഭിനയിപ്പിക്കാൻ ഇഷ്ടക്കൂടുതൽ. അച്ഛന്റെയും അമ്മയുടെയും ഏറ്റവും വലിയ ആഗ്രഹം ആയിരുന്നു ഞാൻ സിനിമയിൽ അഭിനയിക്കണം എന്ന്.
വെള്ളിമൂങ്ങയുടെ സമയത്ത് ഷൂട്ടിന് അച്ഛൻ ഒപ്പം ഉണ്ട്. പക്ഷെ ഇറങ്ങുമ്പോൾ അച്ഛൻ ഇല്ല. ഏപ്രിലോടെ ആണ് ഷൂട്ട് തീർന്നത്. മെയ് എട്ടിന് അച്ഛൻ മരിക്കുന്നു. ഇന്ന് ഓരോ സിനിമകളിലും എന്റെ ഫോട്ടോ പോസ്റ്ററിൽ വരുമ്പോഴും ഞാൻ വിചാരിക്കും അന്ന് അച്ഛൻ എപ്പോഴും പറയുമായിരുന്നു ഒരു പോസ്റ്ററിൽ നിന്റെ ഫോട്ടോ വന്നിരുന്നെങ്കിൽ എന്ന്. മേം ഹൂ മൂസയിലെ മിക്ക പോസ്റ്ററുകളിലും ഞാനുണ്ടായിരുന്നു. അവരാരെങ്കിലും ഉണ്ടായിരുന്നെങ്കിൽ കാണാമായിരുന്നു എന്ന് ഞാൻ വിചാരിക്കും. അവരത് കണ്ട് സന്തോഷിക്കുന്നത് കാണാനുള്ള ഭാഗ്യം നമുക്ക് ഇല്ല’
