ഐലീഗ് മാമാങ്കത്തിന് ഇന്ന് തുടക്കമാകും. കേരളത്തിന്റെ ക്ലബായ ഗോകുലം കേരള എഫ് സി ചെന്നൈ സിറ്റി എഫ് സിയെ ആകും ഐ ലീഗ് ആദ്യ മത്സരത്തില് നേരിടുക. കൊല്ക്കത്തയിലെ കല്യാണി സ്റ്റേഡിയത്തില് വെച്ചിട്ടാണ് ഗോകുലത്തിന്റെ ഈ സീസണിലെ ആദ്യ കളി.ഐ ലീഗിനു വേണ്ടിയുള്ള ഗോകുലം ടീമില് ഈ പ്രാവശ്യം 11 മലയാളികള് ആണ് ഉള്ളത്. നാല് വിദേശ താരങ്ങളും ഐ ലീഗ് ടീമിലുണ്ട്. ഗോകുലം റിസേര്വ് ടീമില് നിന്നും നാല് മലയാളികള് ആണ് ഈ പ്രാവശ്യം സീനിയര് ടീമില് എത്തിയത്.
ഗോകുലം ഐ എഫ് എ ഷീല്ഡ് മത്സരങ്ങള്ക്ക് വേണ്ടി ഒരു മാസം മുന്നേ കൊല്ക്കത്തയില് എത്തിയിരുന്നു. ഐ ഫ് എ ഷീല്ഡിനു ശേഷം ടീം കൊല്ക്കത്തയില് തന്നെ പരിശീലനം തുടര്ന്നു.ഡിസംബര് 26 ഇന്ന് ടീം ഐ ലീഗിന് മാര്ഗനിര്ദേശങ്ങള് അനുസരിച്ചിട്ടുള്ള ബയോ ബബ്ബളില് കയറുകയും ചെയ്തു. കോവിഡ് കാരണം രണ്ടു ഘട്ടങ്ങള് ആയിട്ടാണ് ഈ പ്രാവശ്യം കളി നടക്കുന്നത്.
ആദ്യ ഘട്ടത്തില് എല്ലാ ടീമുകളും തമ്മില് കളിക്കും. അതില് ആദ്യ സ്ഥാനത്തു വരുന്ന ആറു ടീമുകള് രണ്ടാം ഘട്ടത്തില് ഐ ലീഗ് കപ്പിന് വേണ്ടി കളിക്കും. ഭാക്കിയുള്ള അഞ്ചു ടീമുകള് തമ്മില് കളിച്ചു അതില് ഏറ്റവും കുറവ് പോയിന്റ് നേടുന്ന ടീം റെലിഗെറ്റ് ആകും.
രാത്രി 7 മണിക്കാണ് കളി. വണ് സ്പോര്ട്സ് ചാനലില് കളി തത്സമയ സംപ്രേഷണം ചെയ്യും.
ഇന്നത്തെ മത്സരങ്ങള്:
സുദേവ എഫ് സി vs മുഹമ്മെദന്സ് -2 PM
പഞ്ചാബ് എഫ് സി vs ഐസാള് എഫ് സി – 4 PM
ഗോകുലം എഫ് സി vs ചെന്നൈ സിറ്റി എഫ് സി – 7 PM.
ഗോകുലം ടീം ലിസ്റ്റ്
ഗോള്കീപ്പര്സ്: സി കെ ഉബൈദ്, വിഘ്നേശ്വരന് ഭാസ്കരന്, പി എ അജ്മല്
ഡിഫെന്ഡേര്സ്: അലക്സ് സാജി, ദീപക് ദേവരാണി, മുഹമ്മദ് ജാസിം, ജസ്റ്റിന് ജോര്ജ്, നവോച്ച സിംഗ്, സോഡിങ്ലിയാന, സെബാസ്റ്റ്യന്, മുഹമ്മദ് അവാല് (ക്യാപ്റ്റന്)
മിഡ്ഫീല്ഡര്സ്: മുഹമ്മദ് റാഷിദ്, ഷിബില് മുഹമ്മദ്, മുത്തു ഇരുളാണ്ടി മായാകണ്ണന്, സല്മാന് കെ, വിന്സി ബാരെറ്റോ, താഹിര് സമാന്, എം സ് ജിതിന്.
ഫോവേഡ്സ്: എമില് ബെന്നി, ഫിലിപ്പ് അഡ്ജ, ഡെന്നിസ് ആഗ്യരെ, റൊണാള്ഡ് സിംഗ്, ലാല്റോമാവിയ
