തലച്ചോറില്‍ വേദന അനുഭവിച്ചറിയാനുള്ള സംവിധാനങ്ങളുണ്ടെങ്കിലും മസ്തിഷ്കത്തിന് സ്വയം വേദനാനുഭവമില്ല. അതിന്‍റെ പുറത്ത് തൊട്ടാലും മുറിച്ചാലും മസ്തിഷ്കം വേദനയ്ക്കതീതമായി സ്ഥിതി ചെയ്യുന്നു. എന്നാല്‍ ശരീരത്തിന്‍റെ ഇതര അവയവങ്ങളിലുണ്ടാകുന്ന സ്പര്‍ശം, വേദന തുടങ്ങിയവ അറിയാനുള്ള സിദ്ധി തലച്ചോറിനുണ്ട്. തലച്ചോറിനെ ആവരണം ചെയ്തിരിക്കുന്ന ഡ്യൂറാമേറ്റര്‍ വേദന അറിയുന്ന തന്തുക്കളാല്‍ നിറഞ്ഞിരിക്കുന്നു. ഈ ഡ്യൂറാമേറ്ററിലുണ്ടാകുന്ന വീക്കമോ വലിച്ചിലോ വേദനയുണ്ടാക്കുന്നു. തലച്ചോറിന്‍റെ അടിഭാഗത്തുള്ള രക്തധമനികള്‍ക്കുചുറ്റും വേദന അറിയുന്ന ധാരാളം തന്തുക്കളുണ്ട്. ഈ രക്തധമനികള്‍ക്കുണ്ടാകുന്ന വികാസ പരിവര്‍ത്തനങ്ങള്‍ തലവേദനയ്ക്കു കാരണമാകുന്നു. കഴുത്തിന്‍റെ പിന്‍ഭാഗത്തും തലയുടെ പിറകിലും വേദന അനുഭവിച്ചറിയുന്ന നിരവധി തന്തുക്കള്‍ സുലഭമായുണ്ട്.…
Read Moreമൈഗ്രേനുള്ള മരുന്ന് മുലയൂട്ടുന്നവര്‍ കഴിക്കാമോ ?
