സുരേഷ് ഗോപി ഇത്തവണ രണ്ടും കല്പ്പിച്ചാണ് തൃശൂരില് മത്സരത്തിന് ഇറങ്ങിയിരിക്കുന്നത്. സുരേഷ് ഗോപി എന്ഡിഎ സ്ഥാനാര്ത്ഥിയായി രണ്ടാമതും ജനവിധി തേടുമ്പോള് മറ്റ് സ്ഥാനാര്ത്ഥികൾക്ക് അതൊരു വെല്ലുവിളിയാണ്. സുരേഷ് ഗോപി ഇപ്പോള് ഇടത് വലത് മുന്നണികളെ കടന്നാക്രമിച്ചിരിക്കുകയാണ്. ഇപ്പോള് സോഷ്യല് മീഡിയകളില് അണികള് പ്രചരിപ്പിക്കുന്നത് ശക്തന് മാര്ക്കറ്റിലെ അവസ്ഥ വിവരിച്ച് അദ്ദേഹം നടത്തിയ പ്രസംഗത്തിന്റെ വീഡിയോയാണ്.
എന്നെ ജയിപ്പിച്ച് എംഎല്എ ആക്കിയാല് ആ ഫണ്ടില് നിന്നും ഒരുകോടി എടുത്ത് ഞാന് മാര്ക്കറ്റ് നവീകരിച്ച് കാണിച്ചുതരാം. ബീഫ് വില്ക്കുന്ന കടയില് പോയിവരെ ഞാന് പറഞ്ഞു. ഇത്രനാളും ഭരിച്ചവന്മാരെ നാണം കെടുത്തും. അങ്ങനെ ഞാന് പറയണമെങ്കില് എനിക്ക് അതിനുള്ള നട്ടെല്ലുറപ്പ് ഉണ്ട് എന്ന് മനസിലാക്കണം. ആര് മനസിലാക്കണം. നേരത്തെ പറഞ്ഞ ഈ അപമാനികള് മനസിലാക്കണം.
ഇനി നിങ്ങള് എന്നെ തോല്പ്പിക്കുകയാണെങ്കില്, എങ്കിലും ഞാന് എംപിയാണ്. കോവിഡ് കാലം കഴിഞ്ഞ് ഫണ്ട് വരുമ്പോള് എനിക്ക് 12 കോടി കിട്ടാനുണ്ട്. അതില് നിന്നും ഒരുകോടി എടുത്ത് ഞാനിത് ചെയ്യും. അതും പറ്റിയില്ലെങ്കില് ഞാന് എന്റെ കുടുംബത്തില് നിന്നും ഒരുകോടി എടുത്ത് ചെയ്യും. ഒരു സിപിഎം-സിപിഐകാരനും എന്നെ അങ്ങനെ അങ്ങ് വിചാരിക്കേണ്ട. ടൈഗര് സിനിമയില് എന്റെ ഡയലോഗുണ്ട്. ഞാന് വെറും ഇതാണെന്ന് കരുതിയോ?. വെല്ലുവിളിക്കുന്നു. ഞാന് ചെയ്യുമെന്ന് പറഞ്ഞതില് നിനക്ക് അസൂയ ഉണ്ടെങ്കില് നിന്നെയൊക്കെ ഈ നാട്ടുകാര് കൈകാര്യം ചെയ്യും. അത് ഏപ്രില് 6ന് അവര് ചെയ്യും എന്നും സുരേഷ് ഗോപി പറഞ്ഞു.
