ക്രിക്കററ്റിന്റെ ഇതിഹാസ താരമായ സച്ചിന് ടെണ്ടുല്ക്കറുടെ മകന് അര്ജുന് ടെണ്ടുല്ക്കറും മലയാളി താരം ശ്രീശാന്ത് ഈ മാസം നടക്കുന്ന ഐപിഎല് ലേലത്തില് ശ്രദ്ധേയ സാന്നിദ്ധ്യങ്ങളായി മാറും. 2013 ഐപിഎല്ലില് ശ്രീശാന്ത് ഒത്തുകളി വിവാദത്തില് കുടുങ്ങിയതിനുശേഷം ഫ്രാഞ്ചൈസികള് എങ്ങനെയാണ് അദ്ദേഹത്തെ നോക്കി കാണുന്നതെന്ന് ഇത്തവണത്തെ മിനി താര ലേലത്തില് വ്യക്തമാകും. ഇടത് കൈയ്യനായ അര്ജുന് ടെന്ഡുല്ക്കറിന് 20 ലക്ഷം രൂപ അടിസ്ഥാന വിലയാണ് നല്കിയിരിക്കുന്നത്.
കഴിഞ്ഞ മാസം സയ്യിദ് മുഷ്താഖ് അലി ട്രോഫി കളിച്ച അദ്ദേഹം മുന്കാലങ്ങളിലും മുംബൈ ഇന്ത്യന്സിനൊപ്പം പരിശീലനം നേടിയിട്ടുണ്ട്. 37 കാരനായ ശ്രീശാന്ത് 2013 ലെ ഐപിഎല് പതിപ്പില് സ്പോട്ട് ഫിക്സിംഗിനായി അറസ്റ്റിലായതോടെയാണ് നീണ്ട ഏഴു വര്ഷത്തിലേറെ കളിയില്നിന്ന് വിട്ടുനില്ക്കേണ്ടി വന്നത്. 75 ലക്ഷം രൂപയാണ് ശ്രീശാന്തിന്റെ അടിസ്ഥാന വില.
ഓസ്ട്രേലിയന് താരങ്ങളായ സ്റ്റീവ് സ്മിത്ത്, ഗ്ലെന് മാക്സ്വെല്, ആരോണ് ഫിഞ്ച് എന്നിവരും ഇത്തവണത്തെ ലേലത്തില് ശ്രദ്ധാ കേന്ദ്രങ്ങളാണ്. കേദാര് ജാദവ്, മുരളി വിജയ് തുടങ്ങിയ ചെന്നൈ സൂപ്പര്കിംഗ്സ് പുറത്തിറക്കിയ താരങ്ങളെയും ആരു സ്വന്തമാക്കുമെന്ന് ഏവരും ഉറ്റുനോക്കുന്നു. ഹര്ഭജന് സിങ്ങിനെയും ചെന്നൈ ഒഴിവാക്കിയിരുന്നു. കൂടാതെ ഇന്ത്യയിലെ ടെസ്റ്റ് സ്പെഷ്യലിസ്റ്റുകളായ ഹനുമ വിഹാരി (ഒരു കോടി രൂപ), ചേതേശ്വര് പൂജാര (75 ലക്ഷം രൂപ) എന്നിവരും ലേലത്തിന് ഉണ്ട്.
