സ്മിനു സിജോ കെട്ട്യോളാണെൻ്റെ മാലാഖ എന്ന ആസിഫ് അലി നായകനായെത്തിയ ചിത്രത്തിലൂടെ അഭിനയരംഗത്ത് ശ്രദ്ധേയയായ നടിയാണ്. മമ്മൂട്ടി നായകനായ ദി പ്രീസ്റ്റാണ് സ്മിനു അഭിനയിച്ച പുതിയ ചിത്രം. ഇപ്പോഴിതാ മലയാളികളുടെ പ്രിയ താരം ശ്രീനിവാസനെ വീട്ടിൽ പോയി കണ്ടതിന്റെ സന്തോഷം പങ്കുവയ്ക്കുകയാണ് സ്മിനു.
ഏറെ നാളായി രോഗാവസ്ഥയിലായിരുന്ന ശ്രീനിവാസൻ അടുത്തിടെ ഒരു പൊതു പരിപാടിയിൽ പങ്കെടുത്തിരുന്നു. ശ്രീനിവാസൻ പൂർണ്ണ ആരോഗ്യവാനാണെന്നും അദ്ദേഹം തിരക്കഥ എഴുതാനുള്ള തയ്യാറെടുപ്പിലാണെന്നും പറയുകയാണ് സ്മിനു. അദ്ദേഹത്തിൻ്റെ തിരിച്ച് വരവ് ആഗ്രഹിക്കുന്നവർക്ക് വേണ്ടിയാണ് താൻ ഈ പേസ്റ്റിടുന്നതെന്നുമാണ് സ്മിനു പങ്കുവെച്ച കുറിപ്പിൽ പറയുന്നത്. താരത്തിന്റെ വാക്കുകൾ ഇങ്ങനെ, ഈ സന്തോഷം എന്നും മായാതിരിക്കട്ടെ ശ്രീനിയേട്ടന്റെ തിരിച്ചുവരവിനായി പ്രാർത്ഥിച്ച എല്ലാവർക്കും സന്തോഷിക്കാനും കൂടിയാണ് ഈ ഫോട്ടോ ഇവിടെ പോസ്റ്റ് ചെയ്യുന്നത് ചെറിയ ചില ആരോഗ്യപ്രശ്നങ്ങൾ ഒഴിച്ചാൽ ശ്രീനിയേട്ടൻ ഇന്ന് പൂർണ്ണ ആരോഗ്യവാനാണ്,
ഇന്ന് ഞാൻ ശ്രീനിയേട്ടൻ്റെ വീട്ടിൽ പോയി സന്തോഷത്തോടെ എന്നെ കെട്ടിപിടിച്ച് സ്വീകരിച്ച വിമലാൻ്റിയും ,കണ്ട ഉടന്നെ വിശേഷങ്ങൾ ചോദിച്ചറിഞ്ഞ ശ്രീനിയേട്ടനും, ധ്യാൻൻ്റെ ഇൻറ്റർവ്യൂ തമാശകൾ പറയുമ്പോൾ മതി മറന്നു ചിരിക്കുന്ന സ്നേഹനിധികളായ മാതാപിക്കളുടെ സന്തോഷവും , ധ്യാൻ ഇൻറ്റർവ്യൂവിൽ പറയാൻ മറന്നതൊ അതൊ അടുത്ത ഇൻറ്റർവ്യുവിൽ പറയാൻ മാറ്റിവച്ചതൊ അറിയില്ല എന്തായാലും പഴയ നർമ്മത്തിന് ഒട്ടും മങ്ങൽ ഏൽപിക്കാതെ ധ്യാൻമോൻ്റെ ചെറുപ്പകാലത്തെ തമാശകളും ഇടയ്ക്ക് മാത്രം കാണിക്കുന്ന പക്വതകളും അഭിമാനത്തോടെ പറഞ്ഞു ചിരിക്കുന്ന ശ്രീനിയേട്ടനെയും , ശ്രീനിയേട്ടൻ്റെയും മക്കളുടെയും നിഴലായി മാത്രം ജീവിക്കുന്ന വിമലാൻ്റിയുടെയും കൂടെ ചിലവഴിക്കാൻ പറ്റിയ നിമിഷങ്ങൾ എൻ്റെ ഏറ്റവും വല്യ അഭിമാന നിമിഷങ്ങളാണ് , പൂർണ്ണ ആരോഗ്യവാനായി എഴുതാൻ പോവുന്ന അടുത്ത മനസ്സിലുള്ള തിരകഥയെ പറ്റി വാതോരാതെ സംസാരിച്ച ശ്രീനിയേട്ടൻ. ആ കണ്ണുകളിലെ തിളക്കം അത്മവിശ്വാസം അതു മാത്രം മതി നമ്മൾ മലയാളികൾക്ക് നമ്മുടെ പ്രിയപ്പെട്ട ശ്രീനിയേട്ടൻ്റെ തിരിച്ചു വരവിന്.
