പലപ്പോഴും നാം ആശ്രിതരാണ്! രഞ്ജു രഞ്ജിമാർ പറയുന്നു!

രഞ്ജു രഞ്ജിമാര്‍ കേരളക്കരയ്ക്ക് സുപരിചിതയായ സെലിബ്രിറ്റി മേക്കപ്പ് ആര്‍ട്ടിസ്റ്റും സോഷ്യല്‍ മീഡിയ ഇന്‍ഫ്‌ളുവെന്‍സറുമൊക്കെയാണ്. സിനിമയ്ക്ക് അകത്തും പുറത്തുമുള്ള പ്രശ്നങ്ങളിൽ തന്റേതായ അഭിപ്രായങ്ങള്‍ തുറന്ന് പറയാന്‍ യാതൊരു മടിയും രഞ്ജു കാണിക്കാറില്ല. സോഷ്യല്‍ മീഡിയയില്‍ ഏറെ സജീവമാണ് താരം. രഞ്ജു പങ്കുവെയ്ക്കുന്ന ചിത്രങ്ങളും കുറിപ്പുകളും ഏറെ ശ്രദ്ധേയമാകാറുണ്ട്. ഇപ്പോള്‍ രഞ്ജു പങ്കുവെച്ച ഒരു കുറിപ്പാണ് ശ്രദ്ധേയമാകുന്നത്. ആരുടെയും ആശ്രയം വേണ്ടെന്ന് പറയുന്ന ആളുകള്‍ക്ക് ശക്തമായൊരു ചിന്തയുമായിട്ടാണ് രഞ്ജു എത്തിയത്.

രഞ്ജുവിന്റെ കുറിപ്പിന്റെ പൂര്‍ണരൂപം വായിക്കാം.. എനിക്കാരുടെയും, സഹായം വേണ്ട, ആരുടെയും ആശ്രയം ഇല്ലാതെ ഞാന്‍ ജീവിക്കും ഇത് പറയാത്തവരായി ആരും തന്നെ നമ്മുടെ ചുറ്റുവട്ടത്തുണ്ടാവില്ല. ചില സന്ദര്‍ഭങ്ങളില്‍ ഞാനും പറഞ്ഞിട്ടുണ്ട്, വസ്തുതാപരമായി ചിന്തിച്ചാല്‍, നമുക്കാശ്രയം ഇല്ലാതെ ഈ ഭൂമിയില്‍ ജീവിച്ചു തീര്‍ക്കാന്‍ കഴിയുമോ, നെവർ എവർ, നമുക്ക് ചുറ്റും ഒന്ന് കണ്ണോടിച്ചാല്‍ നമുക്ക് കാണാന്‍ കഴിയുന്ന കാഴ്ചകള്‍ പലതാണ്. ഒരിക്കലെങ്കിലും സഹായം കൈപ്പറ്റാത്തവര്‍ ഉണ്ടാവില്ല. മനസികമായും, ശരീരികമായും, വാണിജ്യപരമായും പലപ്പോഴും നാം ആശ്രിതരാണ്.

ഈ ചിന്ത, അറിവ് നമുക്ക് എപ്പോഴും ഉണ്ടാകണം. ഒഴുവാക്കാനും, പുറംതള്ളാനും നമുക്കെളുപ്പം കഴിയും. അത് മനുഷ്യന്റെ ഒരു കഴിവാണ്. പക്ഷെ കാലം കുറെ കടന്നുപോകുമ്പോള്‍ നമ്മള്‍ പുറകോട്ടു ചിന്തിക്കും എന്തിനു വേണ്ടി, ആര്‍ക്കു വേണ്ടി എന്റെ കൈത്താങ്ങിനെ ഞാന്‍ ഒഴിവാക്കി. അത് അമ്മയാകാം, സുഹൃത്താവാം, ആരുമാകാം, നമ്മുടെ ഭാഗത്തു നിന്നും മാത്രം ചിന്തിക്കുന്നത് കൊണ്ടാണ് ഇങ്ങനെ സംഭവിക്കുന്നത്, തിരിച്ചു അവര്‍ നമ്മളായിരുന്നെങ്കില്‍ എന്ന് കൂടി ചിന്തിച്ചു നോക്കു ഇതായിരിക്കും അവസ്ഥ ചില കാര്യങ്ങളില്‍ മാത്രം.

Related posts