മലയാളികളുടെ പ്രിയപ്പെട്ട അവതാരികയാണ് രഞ്ജിനി ഹരിദാസ്. ഐഡിയ സ്റ്റാർ സിങ്ങർ എന്ന റിയാലിറ്റി ഷോയിലൂടെ മലയാളികളുടെ തന്റേതായ അവതരണ ശൈലികൊണ്ടും ഏറെ ശ്രദ്ധിക്കപെടുകയായിരുന്നു രഞ്ജിനി. ഒരുഘട്ടത്തിൽ രഞ്ജിനി ഇല്ലാത്ത ഷോ ഇല്ല എന്ന അവസ്ഥ വരെ ഉണ്ടായിരുന്നു. അവതരണത്തിന് സമൂഹ സേവനവും അഭിനയവും ഒക്കെയായി താരം വളർന്നു. സോഷ്യൽ മീഡിയയിൽ സജീവമാണ് രഞ്ജിനി. എന്നാൽ ഇപ്പോൾ രഞ്ജിനിക്ക് എന്താണ് പറ്റിയെന്നാണ് എല്ലാവരും ചോദിക്കുന്നത്. താരം പങ്കുവച്ച പുതിയ ചിത്രം കണ്ടതോടെയാണ് സംശയങ്ങളുമായി ആരാധകരെത്തിയത്. ക്ഷണനേരം കൊണ്ടാണ് പുതിയ ചിത്രം വൈറലായി മാറിയത്. മൊട്ടയടിച്ചുള്ള ലുക്കായിരുന്നു രഞ്ജിനി പോസ്റ്റ് ചെയ്തത്. ക്യൂട്ട് മൊട്ടയെന്നുള്ള കമന്റുകളുമുണ്ട് ചിത്രത്തിന് കീഴില്. നിമിഷനേരം കൊണ്ടായിരുന്നു ഫോട്ടോ വൈറലായി മാറിയത്.
താരങ്ങളും ആരാധകരുമെല്ലാം രഞ്ജിനിയുടെ ഫോട്ടോയ്ക്ക് കീഴില് കമന്റുകളുമായെത്തിയിട്ടുണ്ട്. ഞാന് അല്പ്പം ബോറടിച്ചുവെന്നുള്ള ക്യാപ്ഷനോടെയായാണ് താരം പുതിയ ഫോട്ടോ പോസ്റ്റ് ചെയ്തത്. ബോറടിച്ചതിനാലാണോ പോയി മൊട്ടയാക്കിയത്, ഇങ്ങനെ ചെയ്തതിന് പിന്നിലെ കാരണമെന്താണ്, ഈ മാറ്റം വിശ്വസിക്കാനാവുന്നില്ല തുടങ്ങിയ കമന്റുകളുമുണ്ട് ഫോട്ടോയ്ക്ക് കീഴില്. കൃഷ്ണപ്രഭയും രാജ്കലേഷും രഞ്ജിനി ജോസുമടക്കം നിരവധി പേരാണ് ഫോട്ടോയ്ക്ക് കമന്റ് ചെയ്തിട്ടുള്ളത്. നിമിഷങ്ങള്ക്ക് മുന്പ് വീഡിയോയില് പ്രത്യക്ഷപ്പെട്ട ആള് തന്നെയാണോ ഇതെന്നായിരുന്നു ആരാധകരുടെ ചോദ്യം. മൊട്ട ബോസ് എന്നായിരുന്നു രാജ് കലേഷ് രഞ്ജിനിയെ വിളിച്ചത്. ഏത് ആപ്പ് ഉപയോഗിച്ചാണ് രൂപം ഇങ്ങനെയാക്കിയതെന്നായിരുന്നു ഒരാള് ചോദിച്ചത്. പ്രീത പ്രദീപ്, മണികണ്ഠന് ആചാരി, ഗീതു മോഹന്ദാസ്, രചന നാരായണന്കുട്ടി, പ്രിയങ്ക നായര് ഇവരെല്ലാം രഞ്ജിനിയുടെ ചിത്രത്തിന് കമന്റുകളുമായെത്തിയിരുന്നു.
