തൊണ്ണൂറ്റിമൂന്നാമത് ഓസ്കാർ പുരസ്കാര പ്രഖ്യാപനത്തിന് തുടക്കമായി. ഈ വർഷത്തെ അവാർഡ് ദാന ചടങ്ങ് കൊവിഡ് -19 കാരണം അല്പം വ്യത്യസ്തമാണ്. ചടങ്ങ് ക്രമീകരിച്ചിരിക്കുന്നത് ഹോളിവുഡിലെ ഡോൾബി തിയേറ്റർ, ലോസ് ഏഞ്ചൽസിലെ ചരിത്രപ്രസിദ്ധമായ യൂണിയൻ സ്റ്റേഷൻ എന്നിവിടങ്ങളിലാണ്. പുരസ്കാര ദാതാക്കളായി കഴിഞ്ഞ തവണത്തെ പുരസ്കാര ജേതാക്കളില് മിക്കവരും എത്തുന്നുണ്ട്.
മികച്ച ചിത്രത്തിനുള്ള പുരസ്കാരത്തിനായി മത്സരിക്കുന്നത് ദി ഫാദര്, ജൂദാസ് ആന്ഡ് ദി ബ്ലാക്ക് മെസ്സിയ, മാങ്ക്, മിനാരി, നൊമാഡ്ലാന്ഡ്, പ്രൊമിസിംഗ് യംഗ് വുമണ്, സൗണ്ട് ഓഫ് മെറ്റല്, ദി ട്രയല് ഓഫ് ചിക്കാഗോ 7 എന്നിവയാണ്. മികച്ച സംവിധായകനുള്ള പുരസ്കാരത്തിന് തോമസ് വിന്റര്ബെര്ഗും ഡേവിഡ് ഫിഞ്ചറുമുള്പ്പെടെ അഞ്ചു പേര് ആണ് മത്സരത്തിനുള്ളത്. മികച്ച നടനുള്ള പുരസ്കാരത്തിന് 83കാരനായ ആന്റണി ഹോപ്കിന്സ് ഉണ്ട് എന്നതും ഇത്തവണത്തെ പ്രത്യേകതയാണ്.
അതേസമയം ഇന്ത്യയുടെ ഔദ്യോഗിക എൻട്രിയായ ലിജോ ജോസ് പെല്ലിശ്ശേരിയുടെ ജല്ലിക്കെട്ട് തുടക്കത്തിൽ തന്നെ തള്ളിപ്പോയിരുന്നു. തമിഴ് ചിത്രം സൂരറൈ പോട്ര് ജൂറിക്ക് മുൻപാകെ പ്രദർശിപ്പിക്കപ്പെട്ടെങ്കിലും പരിഗണിക്കപ്പെട്ടില്ല.
ഏറ്റവും ഒടുവിലായെത്തിയ റിപ്പോർട്ടുകൾ അനുസരിച്ച് നൊമാഡ് ലാൻഡ് സംവിധാനം ചെയ്ത ചൈനക്കാരിയായ ക്ലോയ് ഷാവോയാണ് മികച്ച സംവിധായിക. മികച്ച സംവിധാനത്തിനുള്ള പുരസ്കാരം നേടുന്ന രണ്ടാമത്തെ വനിതയും ആദ്യ ഏഷ്യന് വംശജയുമാണ് ക്ലോയ് ഷാവോ.
മികച്ച സഹനടി യൂ ജുങ് യൂൻ,
മികച്ച ചിത്രം നൊമാഡ്ലാന്ഡ്,
മികച്ച നടി ഫ്രാന്സെസ് മെക്ഡൊര്മാന്ഡ്,
മികച്ച നടന് ആന്തണി ഹോപ്കിന്സ്,
മികച്ച ഫീച്ചര് ചിത്രം അനഥര് റൗണ്ട്,
മികച്ച ആനിമേറ്റഡ് ഫീച്ചര് ചിത്രം സോള്,
മികച്ച ഡോക്യുമെന്ററി ഫീച്ചര് ചിത്രം മൈ ഒക്ടപസ് ടീച്ചര്,
മികച്ച സ്കോര് സോള്,
മികച്ച സോങ് ഫൈറ്റ് ഫോര് യു,
മികച്ച സ്ക്രീന്പ്ലേ പ്രോമിസിങ് യങ് വുമണ്, മികച്ച അഡാപ്റ്റഡ് സ്ക്രീന്പ്ലേ ദി ഫാദര്,
മികച്ച ഛായാഗ്രഹണം മന്ക്,
മികച്ച മേക്കപ്പ് ആന്ഡ് ഹെയര്സ്റ്റൈലിങ് മാ റെയ്നീസ് ബ്ലാക്ക് ബോട്ടം, മികച്ച ആനിമേറ്റഡ് ഷോര്ട്ട് ഇഫ് എനിത്തിങ് ഹാപ്പന്സ് ഐ ലവ് യു,
മികച്ച ഡോക്യുമെന്ററി ഷോര്ട്ട് കൊളെറ്റ്,
മികച്ച വിഷ്വല് ഇഫക്റ്റ്സ് ടെനെറ്റ്,
മികച്ച പ്രൊഡക്ഷന് ഡിസൈന് മന്ക്,
മികച്ച കോസ്റ്റിയൂം ഡിസൈന് മാ റെയ്നീസ് ബ്ലാക്ക് ബോട്ടം, മികച്ച ഫിലിം എഡിറ്റിങ് സൗണ്ട് ഓഫ് മെറ്റല്, മികച്ച സൗണ്ട് സൗണ്ട് ഓഫ് മെറ്റല്,
മികച്ച ലൈവ് ആക്ഷന് ഷോര്ട്ട് ടു ഡിസ്റ്റന്റ് സ്ട്രയ്ഞ്ചേഴ്സ് എന്നിവയാണ്.
