നിമിഷ സജയൻ മലയാളികളുടെ പ്രിയനടിയാണ്. ഒരുപിടി നല്ല കഥാപാത്രങ്ങൾ അവതരിപ്പിച്ചുകൊണ്ടാണ് താരം പ്രേക്ഷകരുടെ ഇഷ്ടതാരമായി മാറിയത്. മഹേഷ് നാരായണന് സംവിധാനം ചെയ്ത മാലിക് എന്ന ചിത്രത്തിലും മികച്ച പ്രകടനമാണ് താരം കാഴ്ചവെച്ചത്. മാലികിലെ നിമിഷ സജയന് അവതരിപ്പിച്ച റോസ്ലിന് എന്ന കഥാപാത്രത്തെ ആരാധകര് ഇരുകൈയ്യും നീട്ടി സ്വീകരിച്ചിരിക്കുകയാണ്.
ആദ്യ ചിത്രമായ തൊണ്ടിമുതലും ദൃക്സാക്ഷിയിലെ അഭിനയ അനുഭവത്തെപ്പറ്റി നിമിഷ സംസാരിക്കുന്ന വീഡിയോ ആണ് ഇപ്പോൾ ശ്രദ്ധേയമാകുന്നത്. ഈ വീഡിയോ ആരാധകര് ഏറ്റെടുത്തുകഴിഞ്ഞു. മികച്ച പുതുമുഖ നടിയ്ക്കുള്ള വനിതാ പുരസ്കാര വേദിയില് വെച്ചുള്ള നിമിഷയുടെ പ്രതികരണമാണ് സോഷ്യല് മീഡിയയില് വൈറലാകുന്നത്.
തൊണ്ടിമുതലും ദൃക്സാക്ഷിയിലേയും നാടന് പെണ്കുട്ടിയുടെ വേഷം നിമിഷയ്ക്ക് അനുയോജ്യമാകുമെന്ന് ദിലീഷ് പോത്തന് എങ്ങനെ കണ്ടെത്തിയെന്ന് തോന്നുന്നു എന്ന ചോദ്യത്തിന് നിമിഷ നല്കിയ മറുപടിയാണ് ഇപ്പോള് ചര്ച്ചയാകുന്നത്. ദിലീഷേട്ടന് എങ്ങനെ അങ്ങനെ തോന്നിയെന്ന് ഞാനും ആലോചിച്ചിട്ടുണ്ട്. ഷൂട്ടിന്റെ ആദ്യ ദിവസം ദിലീഷേട്ടന് എന്നോട് നടന്നുവരാന് പറഞ്ഞു. ചെക്കന്മാരുടെ പോലെയായിരുന്നു ഞാന് നടന്നുവന്നത്. അപ്പോള് പോത്തേട്ടന് പറഞ്ഞു മോളേ പെണ്ണുങ്ങള് നടക്കുന്ന പോലെ നടക്കുവോ എന്ന്. അങ്ങനെ പോത്തേട്ടന് പറഞ്ഞ് പറഞ്ഞ് മാറ്റിയതാ എന്ന് നിമിഷ സജയന് പറഞ്ഞു.
