നവാഗതനായ ജിജോ ജോസഫ് സിജു വിൽസനെ നായകനാക്കി സംവിധാനം ചെയ്യുന്ന പുതിയ ചിത്രം വരയന്റെ പോസ്റ്റർ പുറത്തിറങ്ങി. വരയനും ഒപ്പം ടൈഗറും വ്യത്യസ്ത ഭാവത്തിലാണ് പോസ്റ്ററിലുള്ളത്. ബെൽജിയൻ മലിനോയ്സ് ഇനത്തിൽപ്പെട്ട നാസ് എന്ന പട്ടിയാണ് ടൈഗർ എന്ന മുഴുനീള കഥാപാത്രമായി സിജു വിൽസനോടൊപ്പം ചിത്രത്തിന്റെ ഭാഗമാകുന്നത്. ഹാസ്യത്തിനും ആക്ഷൻ രംഗങ്ങൾക്കും പ്രാധാന്യം നൽകുന്ന ഒരു കുടുംബചിത്രമായ വരയന്റെ തിരക്കഥ എഴുതിയിരിക്കുന്നത് ഫാദർ ഡാനി കപ്പൂച്ചിൻ ആണ്. ചിത്രത്തിൽ വേഷമിടുന്ന മറ്റു പ്രധാന താരങ്ങൾ ലിയോണ ലിഷോയ്, മണിയൻപിള്ള രാജു, ജോയ് മാത്യു, വിജയരാഘവൻ, ബിന്ദു പണിക്കർ, ജയശങ്കർ, ജൂഡ് ആന്റണി ജോസഫ്, ഡാവിഞ്ചി, അരിസ്റ്റോ സുരേഷ്, ബൈജു എഴുപുന്ന, അംബിക മോഹൻ, രാജേഷ് അമ്പലപ്പുഴ, ശ്രീലക്ഷ്മി, ഹരിപ്രശാന്ത്, സുന്ദർ പാണ്ഡ്യൻ എന്നിവരാണ്.
ചിത്രം നിർമ്മിക്കുന്നത് സത്യം സിനിമാസിന്റെ ബാനറിൽ എ . ജി . പ്രേമചന്ദ്രനാണ്. ചിത്രത്തിന്റെ ഛായാഗ്രഹണം രജീഷ് രാമനും സംഗീതം പ്രകാശ് അലക്സുമാണ് നിർവഹിക്കുന്നത്. ചിത്രസംയോജനം ജോൺകുട്ടി, ഗാനരചന ബി.കെ. ഹരിനാരായണൻ, പ്രോജക്ട് ഡിസൈൻ ജോജി ജോസഫ്, പ്രൊഡക്ഷൻ കൺട്രോളർ ബിനു മുരളി, ആർട്ട് നാഥൻ മണ്ണൂർ, വസ്ത്രാലങ്കാരം സമീറ സനീഷ്, സംഘട്ടനം ആൽവിൻ അലക്സ്, ചീഫ് അസ്സോസിയേറ്റ് ഡയറക്ടർ കൃഷ്ണ കുമാർ, മേക്കപ്പ് സിനൂപ് രാജ്, സൗണ്ട് ഡിസൈൻ വിനേഷ്, കിഷൻ & രജീഷ്, സൗണ്ട് മിക്സ് വിപിൻ നായർ, കൊറിയോഗ്രഫി സി പ്രസന്ന സുജിത്ത്, പി.ആർ.ഒ എ.എസ് ദിനേശ്, മീഡിയ പ്രമോഷൻസ് മഞ്ജു ഗോപിനാഥ്, മാർക്കറ്റിംഗ് എം.ആർ പ്രൊഫഷണൽ എന്നിവരാണ്. കേരളത്തിലെ എല്ലാ തീയേറ്ററുകളിലും മെയ് 28 ന് സത്യം സിനിമാസ് ചിത്രം റിലീസ് ചെയ്യും.
