നയന്‍താരയും വിഘ്‌നേഷ് ശിവനും സിനിമാ പ്രേമികളുടെ ഇഷ്ട ജോഡികളാണ്. ആരാധകര്‍ വളരെ ആകാംക്ഷകയോടെ ഇരുവരുടെയും വിവാഹത്തിനായി കാത്തിരിക്കുകയാണ്. നയനും വിക്കിയും പ്രണയത്തിലായത് നാനും റൗഡി താന്‍ എന്ന സിനിമയുടെ സമയത്താണ്. ഇത് വിഘ്‌നേഷ് ശിവന്‍ സംവിധാനം ചെയ്ത രണ്ടാമത്തെ ചിത്രമായിരുന്നു. നയന്‍താര നായികയായ ചിത്രത്തിൽ വിജയ് സേതുപതി ആയിരുന്നു നായകൻ. താരത്തിന് ചിത്രത്തിലെ അഭിനയത്തിന് നിരവധി പുരസ്‌കാരങ്ങളും ലഭിച്ചിരുന്നു.
ഇരുവരും പ്രണയത്തിലാണെന്ന കാര്യം എല്ലാവരും ഉറപ്പിച്ചത് ഒരുമിച്ച് ചടങ്ങുകളിലും യാത്രകള്‍ക്കായുമൊക്കെ പോയതോടെയാണ്. കൂടാതെ സോഷ്യല്‍ മീഡിയയില്‍ നയനും വിക്കിയും ഒരുമിച്ചുളള ചിത്രങ്ങളും പുറത്തിറങ്ങിയിരുന്നു. പുതിയ വിശേഷങ്ങളെല്ലാം പങ്കുവെക്കാറുളളത് വിഘ്‌നേഷ് ശിവനാണ്. നയന്‍ തന്നെയാണ് വിഘ്‌നേഷിൻറെ എറ്റവും പുതിയ കാത്തുവാക്കുലെ രണ്ട് കാതല്‍ എന്ന ചിത്രത്തിൽ പ്രധാന വേഷത്തില്‍ എത്തുന്നത്. ചിത്രത്തില്‍ വിജയ് സേതുപതി തന്നെയാണ് നായകൻ. ഇപ്പോൾ സോഷ്യല്‍ മീഡിയയില്‍ ട്രെന്‍ഡിംഗായി മാറിയത് വിഘ്‌നേഷ് ശിവന്‍ പങ്കുവെച്ച പുതിയൊരു ചിത്രമാണ്.
വിഘ്‌നേഷ് ശിവന്‍ പങ്കുവെച്ചത് നയന്‍താരയുടെ വിരലില്‍ മോതിരം അണിയിച്ചുളള ഒരു ചിത്രമാണ്. നയന്‍താര വിഘ്‌നേശിന്‌റെ നെഞ്ചില്‍ കൈവെച്ചുനില്‍ക്കുന്ന ചിത്രമാണ് വൈറലായിരിക്കുന്നത്. വിക്കി ഈ ചിത്രം പോസ്റ്റ് ചെയ്തിരിക്കുന്നത് വിരലോട് ഉയിര്‍ കൂട കോര്‍ത്തു എന്ന ക്യാപ്ഷനോടുകൂടിയാണ്. ആരാധകര്‍ എത്തുന്നത് ഇത് എന്‍ഗേജ്‌മെന്റ് റിംഗാണോ എന്ന് ചോദിച്ചുകൊണ്ടാണ്. വിഘ്‌നേഷ് ഇതിനോടൊന്നും പ്രതികരിച്ചിട്ടില്ല. നയന്‍താരയുടെതായി റിലീസിങ്ങിനൊരുങ്ങുന്ന പുതിയ മലയാളചിത്രം കുഞ്ചാക്കോ ബോബന്‍ നായകനാവുന്ന നിഴലാണ്. ഏപ്രിലിലാണ് അപ്പു ഭട്ടതിരി സംവിധാനം ചെയ്ത ചിത്രം തിയ്യേറ്ററുകളിലെത്തുന്നത്. നിഴലിന് പുറമെ പാട്ട് എന്ന അല്‍ഫോണ്‍സ് പുത്രന്‍ ചിത്രത്തിൽ ഫഹദ് ഫാസിലിന്‌റെ നായികയായും നയന്‍താര എത്തുന്നുണ്ട്.
