നാല് പതിറ്റാണ്ടായി അഭ്രപാളിയിൽ വിസ്മയം തീർക്കുകയാണ് മോഹൻലാൽ. 1980-ൽ ആരംഭിച്ച ജൈത്രയാത്ര ഇന്നും തുടരുന്നു. വില്ലൻ വേഷത്തിൽ സിനിമാ ജീവിതം ആരംഭിച്ച മോഹൻലാൽ ഇപ്പോൾ ബറോസിലൂടെ സംവിധായകന്റെ മേലങ്കിയും അണിയുകയാണ്.
ഇപ്പോഴിതാ മോഹൻലാലിന്റെ പിറന്നാൾ ദിനത്തിൽ പതിവ് തെറ്റിക്കാതെ ആശംസകളുമായെത്തി യിരിക്കുകയാണ് മമ്മൂട്ടി. കൃത്യം രാത്രി 12 മണിക്ക് മമ്മൂട്ടി മോഹൻലാലിന് പിറന്നാൾ ആശംസകൾ അറിയിച്ച് ഫേസ്ബുക്കിൽ പോസ്റ്റ് പങ്കുവെച്ചിട്ടുണ്ട്. മോഹൻലാലിനെ ചേർത്ത് നിർത്തി കവിളിൽ ചുംബിക്കുന്ന ചിത്രമാണ് മമ്മൂക്ക പങ്കുവെച്ചിരിക്കുന്നത്. ഹാപ്പി ബെൽത്ത് ഡേ ഡിയർ ലാൽ എന്നാണ് മമ്മൂട്ടി കുറിച്ചിരിക്കുന്നത്. നിരവധി പേരാണ് കമന്റുകളുമായി എത്തിയിരിക്കുന്നത്. 55 ചിത്രങ്ങളോളം മമ്മൂട്ടിയും മോഹൻലാലും ഒന്നിച്ചഭിനയിച്ചിട്ടുണ്ട്.
മോഹൻലാലിന് ജന്മദിനാശംസകൾ നേർന്ന് സുരേഷ് ഗോപിയും എത്തിയിരുന്നു. പതിറ്റാണ്ടുകളായി സ്ക്രീനിലും ഓഫ് സ്ക്രീനിലും പങ്കിട്ട അനശ്വര നിമിഷങ്ങൾക്ക് നന്ദി. മോഹൻലാൽ എന്ന വിസ്മയത്തെ ഇന്നും എന്നും ആഘോഷിക്കപ്പെടുകയാണ്. വിജയവും സന്തോഷവും പ്രിയപ്പെട്ടവരോടൊപ്പം ആഘോഷമാക്കാൻ സാധിക്കട്ടെയെന്നും സുരേഷ് ഗോപി ജന്മദിനം ആശംസിച്ച് കൊണ്ട് അദ്ദേഹം സമൂഹമാദ്ധ്യമങ്ങളിൽ കുറിച്ചു.