മലയാളികൾക്ക് ഏറെ പ്രിയപ്പെട്ട താരദമ്പതികളാണ് ദിലീപ് കാവ്യാ മാധവൻ ജോഡികൾ. 2016 നവംബര് 25നാണു ഇരുവരും വിവാഹിതരായത്. വിവാഹത്തിനു ശേഷം അഭിനയത്തില് നിന്നും വിട്ടുനില്ക്കുകയാണ് കാവ്യ മാധവന്. ഇപ്പോഴിതാ തന്റെ അനുജത്തിയുടെ പിറന്നാള് ചിത്രം പങ്കുവെച്ച് രംഗത്ത് എത്തിയിരിക്കുകയാണ് മീനാക്ഷി. മഹാലക്ഷ്മിക്ക് മൂന്ന് വയസ്സ് പൂര്ത്തിയായിരിക്കുകയാണ്. മഹാലക്ഷ്മിയുടെ ജന്മദിനമായ ഒക്ടോബര് 19നുള്ള ചിത്രങ്ങളാണ് മീനാക്ഷി ഇന്സ്റ്റഗ്രാം അക്കൗണ്ടിലൂടെ പങ്കുവെച്ചിരിക്കുന്നത്.
കഴിഞ്ഞ വിജയദശമി ദിനത്തിലാണ് മഹാലക്ഷ്മി ആദ്യാക്ഷരം കുറിച്ചത്. ആവണംകോട് സരസ്വതി ക്ഷേത്രത്തില് വെച്ചായിരുന്നു മഹാലക്ഷ്മിയെ എഴുത്തിനിരുത്തിയത്. ദിലീപിനും കാവ്യയ്ക്കും മീനാക്ഷിക്കും ഒപ്പമായിരുന്നു മഹാലക്ഷ്മി ക്ഷേത്രത്തില് എത്തിയത്. ഇതിന്റെ ചിത്രങ്ങളും സോഷ്യല് മീഡിയകളില് വൈറലായി മാറിയിരുന്നു.
നേരത്തെയും കുടുംബസമേതമുള്ള ദിലീപിന്റെ ചിത്രങ്ങള് സോഷ്യല് മീഡിയയില് വൈറലായിട്ടുണ്ട്. മകള് മീനാക്ഷിയുടെ സോഷ്യല് മീഡിയ പോസ്റ്റുകളിലൂടെയാണ് മിക്കവാറും ആരാധകര് താരദമ്പതികളുടെ വിശേഷങ്ങള് അറിയുന്നത്.
