2019 ലെ കേരള സംസ്ഥാന ചലച്ചിത്ര അവാർഡുകൾ കഴിഞ്ഞദിവസമാണ് വിതരണം ചെയ്തത്. ടാഗോർ തീയേറ്ററിൽ നടന്ന ചടങ്ങിൽ മുഖ്യമന്ത്രി പിണറായി വിജയൻ ആണ് പുരസ്കാരങ്ങൾ സമ്മാനിച്ചത്. വേദിയിൽ താൻ എന്തുകൊണ്ട് ചുവന്ന ലിപ്സ്റ്റിക് അണിഞ്ഞെത്തിയെന്ന് വിശദീകരിച്ചിക്കുകയാണ് ബിരിയാണി എന്ന സിനിമയിലൂടെ മികച്ച നടിക്കുള്ള പുരസ്കാരം നേടിയ കനി കുസൃതി. ചുവന്ന ലിപസ്റ്റിക് വെളുത്ത തൊലിയുള്ളവർക്ക് മാത്രമാണ് ചേരുന്നതെന്നുള്ള വ്യര്ത്ഥമായ ധാരണകള്ക്കെതിരെയുള്ള നിലപാട് കൂടിയാണ് ഗായിക റിഹാനയുടെ ഉടമസ്ഥതയിലുള്ള ഫെന്റിബ്യൂട്ടി എന്ന ബ്രാൻഡിലുള്ള ചുവന്ന ലിപ്സ്റ്റിക്ക് താൻ ഉപയോഗിച്ചതെന്ന് കനി സോഷ്യൽമീഡിയയിൽ കുറിച്ചിരിക്കുകയാണ്.
View this post on Instagram
ചരിത്രപരമായി, കറുത്ത തൊലിയുള്ള സ്ത്രീകള് ചുവന്ന ലിപ്സ്റ്റിക്കിടുന്നത് പലപ്പോഴും പരിഹസിക്കപ്പെടാറുണ്ടെന്ന് അമേരിക്കൻ റാപ്പറായ റോക്കി ഒരിക്കൽ ഒരു അഭിമുഖത്തിൽ പറഞ്ഞിരുന്നു. ചുവന്ന ലിപ്സ്റ്റിക്ക് ചേരണമെങ്കിൽ വെളുത്ത നിറമുള്ള തൊലിയായിരിക്കണമെന്നൊക്കെ അന്നവര് പറഞ്ഞത് ഏറെ വിമർശനങ്ങൾ ഏറ്റുവാങ്ങിയിരുന്നു,
