കര്ഷക സമരത്തില് രാജ്യത്തിന് പുറത്തു നിന്നുള്ളവര് പ്രതികരണവുമായി എത്തിയിരുന്നു. പോപ്പ് താരം റിഹാന, സ്വീഡിഷ് പരിസ്ഥിതി പ്രവര്ത്തക ഗ്രേറ്റ തുന്ബര്ഗ് യു എസ് വൈസ് പ്രസിഡഡന്റ് കമലഹാരിസിന്റെ അനന്തരവള് മീന ഹാരിസ് തുടങ്ങിയവര് സമരത്തെ പിന്തുണച്ചിരുന്നു. ഇവര്ക്കൊക്കെ മറുപടി നല്കി സച്ചിന് ടെന്ഡുല്ക്കര് രംഗത്തെത്തി. ഇന്ത്യയുടെ പരമാധികാരം വിട്ടുവീഴ്ചയില്ലാത്തത്. വിദേശശക്തികള്ക്ക് അതുകണ്ടുനില്ക്കാമെന്നല്ലാതെ ഇടപെടാന് കഴിയില്ല. ഇന്ത്യ എന്താണെന്ന് ഇന്ത്യക്കാര്ക്ക് അറിയാം; ഇന്ത്യയ്ക്കുവേണ്ടി തീരുമാനങ്ങള് കൈകൊള്ളാനും. രാജ്യത്തിന് കീഴില് ഞങ്ങള് ഒന്നിച്ച് അണിചേരുന്നത് തുടരുക തന്നെ ചെയ്യും’ ട്വിറ്ററില് സച്ചിന് കുറിച്ച വാക്കുകള്. സച്ചിന്റെ പ്രതികരണത്തിന് എതിരെ രംഗത്ത് എത്തിയിരിക്കുകയാണ് ഹരീഷ് പേരടി.
നി വിദേശ രാജ്യങ്ങളില് കളിക്കാന് പോകുന്ന കളിക്കാരോട് വിദേശികളൂടെ പ്രോല്സാഹനം സ്വീകരിക്കരുത്… സ്വദേശികളൂടെത് മാത്രമേ സ്വീകരിക്കാന് പാടുകയുള്ളു എന്ന ഒരു ഉപദേശവും കൂടി താങ്കള് നല്കണം സാര്… ഇന്ഡ്യക്കാരുടെ കാര്യത്തില് ഇന്ഡ്യക്കാര് മാത്രം അഭിപ്രായം പറഞ്ഞാല് മതിയല്ലോ…- ഹരീഷ് പേരടി ഫേസ്ബുക്കില് കുറിച്ചു.
ഫേസ്ബുക്ക് കുറിപ്പിന്റെ പൂര്ണരൂപം,
ഇയാളെ കാണാന് എന്നെ പോലെയുണ്ടെന്ന് കേരളത്തില് എത്തിയ ഒരുപാട് അന്യ സംസ്ഥാന തൊഴിലാളികള് എന്നോട് പറഞ്ഞിരുന്നു… അന്നൊക്കെ അത് കേള്ക്കുമ്ബോള് ഒരു സുഖം തോന്നിയിരുന്നു… ഇന്ന് ഏല്ലാ സുഖവും പോയി… അന്നം തരുന്ന കര്ഷകനോടൊപ്പം നില്ക്കാന് മനസ്സില്ലാത്ത ഒരാളുടെ രൂപത്തില് എനിക്ക് ഒരു അഭിമാനവുമില്ല… ഇനി വിദേശ രാജ്യങ്ങളില് കളിക്കാന് പോകുന്ന കളിക്കാരോട് വിദേശികളൂടെ പ്രോല്സാഹനം സ്വീകരിക്കരുത്… സ്വദേശികളൂടെത് മാത്രമേ സ്വീകരിക്കാന് പാടുകയുള്ളു എന്ന ഒരു ഉപദേശവും കൂടി താങ്കള് നല്കണം സാര്… ഇന്ഡ്യക്കാരുടെ കാര്യത്തില് ഇന്ഡ്യക്കാര് മാത്രം അഭിപ്രായം പറഞ്ഞാല് മതിയല്ലോ…
