വ്യത്യസ്തമായ കഥയും ആവിഷ്ക്കാര രീതിയുമായി ഓ ടി ടിയിൽ റിലീസായ ചിത്രമാണ് കുരുതി.
പൃഥ്വിരാജ്, റോഷന് മാത്യൂസ്, മാമുക്കോയ തുടങ്ങിയവര് കേന്ദ്ര കഥാപാത്രത്തെ അവതരിപ്പിച്ച കുരുതി കഴിഞ്ഞ ദിവസമാണ് റിലീസ് ചെയ്തത്. ചിത്രത്തിന്റെ പ്രമേയത്തെ കുറിച്ച് സോഷ്യല് മീഡിയയില് നടക്കുന്നത് വലിയ ചര്ച്ചകളാണ്. ഇപ്പോഴിതാ ചിത്രത്തെയും സംവിധായകനേയും അഭിനന്ദിച്ച് രംഗത്ത് എത്തിയിരിക്കുകയാണ് നടന് ഹരീഷ് പേരടിയും.
ഒരു വാണിജ്യ ചിത്രത്തിന്റെ പരിധിയില് നിന്നുകൊണ്ട് താനെന്ന വ്യക്തമായ രാഷ്ട്രീയം സിനിമ പറയുന്നുണ്ട് എന്ന് ഹരീഷ് പേരടി അഭിപ്രായപ്പെടുന്നു. തീവ്രവാദം ആധുനിക മനുഷ്യന് ചേരുന്നതല്ല, അത് ഗുഹാ മനുഷ്യന്റെ തലച്ചോറ് അതേ പോലെ തുടരുന്നവര്ക്കുള്ളതാണെന്ന് സിനിമ വ്യക്തമാക്കുന്നുണ്ടെന്ന് അദ്ദേഹം പറയുന്നു. ഫെയ്സ്ബുക്കില് പങ്കുവെച്ച കുറിപ്പിലൂടെയാണ് നടന്റെ പ്രതികരണം.
ഹരീഷ് പേരടിയുടെ കുറിപ്പ്, ഇന്നാണ് കുരുതി കണ്ടത്, ഒരു കമേഴ്സ്യല് സിനിമയുടെ പരിമിതികള്ക്കിടയില് നിന്ന് തന്നെ രാഷ്ട്രീയം ഉറക്കെ പറഞ്ഞു എന്നതാണ് ഏറ്റവും വലിയ കാര്യം.. അഭിനന്ദനങ്ങള്.. അഭിനയത്തില് എല്ലാവരും കഥാപാത്രങ്ങളോട് നീതി പുലര്ത്തി, പക്ഷെ ഏറ്റവും ഇഷ്ട്ടപ്പെട്ടത് നിങ്ങള് മൂന്ന് പേരെയാണ്.. പൃഥ്യു,മാമുക്ക,നവാസ് വള്ളിക്കുന്ന്..പൃഥ്യൂ നിങ്ങള് ഫസ്റ്റ് ഷോട്ടില് തന്നെ ലായിക്കായിമാറി..പിന്നെ എവിടെയും പൃഥ്വിരാജിനെ കാണാനെ പറ്റിയില്ല, മാമുക്ക എന്തൊരു നടനാണ് ഇങ്ങള്..ഉമ്മ, ബാക്കി നേരിട്ട് കാണുമ്പോള് തരാം, നവാസ് നി മലയാള സിനിമക്ക് ഒരു മുതല്കൂട്ടാണ്, മതമാണെങ്കിലും രാഷ്ട്രിയമാണെങ്കിലും തീവ്രവാദം ആധുനിക മനുഷ്യന് ചേരുന്നതല്ല..അത് ഗുഹാ മനുഷ്യന്റെ തലച്ചോറ് അതേ പോലെ തുടരുന്നവക്കര്ക്കുള്ളതാണെന്ന് സിനിമ കൃത്യമായി പറയുന്നുണ്ട്, സംവിധായകന് മനുവിന് ആശംസകള്.
