ഫൗജിയെ പൊങ്കാലയിട്ട് പബ്‌ജി ആരാധകർ

faug vs pubg

കഴിഞ്ഞ വർഷം പകുതിയുടെ  മൊബൈൽ ഗെയിമായ പബ്ജിയെ കേന്ദ്ര സർക്കാർ നിരോധിച്ചതോടെ നിരാശയിലായ ഗെയിമിങ് ആരാധകർക്ക് പ്രതീക്ഷയേകി സെപ്റ്റംബറിലാണ് ബോളിവുഡ് നടൻ അക്ഷയ് കുമാറിന്റെ നേതൃത്വത്തിൽ മൾട്ടിപ്ലെയർ ആക്ഷൻ ഗെയിം ‘ഫിയർലെസ്സ് ആൻഡ് യുണൈറ്റഡ്: ഗാർഡ്‌സ്’ (ഫൗജി) പ്രഖ്യാപിച്ചത്. ഒക്ടോബറിൽ ഗൂഗിൾ പ്ലെ സ്റ്റോറിൽ ഗെയിം എത്തും എന്ന് പ്രഖ്യാപിച്ചിരുന്നെങ്കിലും ലോഞ്ച് നീണ്ടു. ഒടുവിൽ ഏറെ വൈകി ജനുവരി 26 റിപ്പബ്ലിക്ക് ദിനത്തിലാണ് ബെംഗളൂരു ആസ്ഥാനമായി പ്രവർത്തിക്കുന്ന എൻകോർ ഗെയിംസ് ആണ് ഫൗജി ഗെയിം ലോഞ്ച് ചെയ്തത്.

പബ്‌ജിയുടെ ബദൽ എന്ന വിശേഷണത്തോടെയാണ് ഫൗജി ഗെയിം എത്തിയത് എന്നുള്ളതുകൊണ്ട് തന്നെ വമ്പൻ സ്വീകാര്യമാണ് ലഭിച്ചത്. ദിവസങ്ങൾക്കുള്ളിൽ 5 മില്ലിയണിലധികം പേർ ഫൗജി ഗെയിം  ഡൌൺലോഡ് ചെയ്‌തു. ഗൂഗിൾ പ്ലേയ് ലിസ്റ്റിൽ പണമീടാക്കാതെ ഡൌൺലോഡ് ചെയ്യാവുന്ന ഗെയിമുകളുടെ ലിസ്റ്റിൽ ഒന്നാം സ്ഥാനത്തെത്താനും ചുരുക്കം ദിവസം കൊണ്ട് ഫൗജി ഗെയ്മിനായി.

പബ്‌ജിയുടെ ബദലായാണ് ഫൗജി എത്തിയതെങ്കിലും പബ്‌ജി ഗെയിമിന്റെ അത്രയും മേന്മ ഫൗജിയ്ക്കില്ല എന്നതാണ് കാരണം. ഗ്രാഫിസിന്റെ കാര്യത്തിലും, വെപ്പണുകളുടെ കാര്യത്തിലും ഫൗജി ബഹുദൂരം മുന്നേറാനുണ്ട് എന്നാണ് വിലയിരുത്തൽ. മാത്രമല്ല സിംഗിൾ പ്ലയെർ ആയി മാത്രമേ ആദ്യഘട്ടത്തിൽ ഗെയിം കളിയ്ക്കാൻ സാധിക്കൂ. പബ്‌ജി പ്രശസ്തമായിരുന്ന ബാറ്റിൽ റോയാൽ, പ്ലയെർ vs പ്ലയെർ (കൂട്ടുകാർക്ക് പരസ്പരം കളിയ്ക്കാൻ) മോഡുകൾ ഫൗജിയിൽ ലഭ്യമല്ല എന്നുള്ളതും ഗെയിമിങ് ആരാധകർ ഫൗജിയ്ക്ക് നേരെ തിരിയാൻ കാരണമായി.ഇത് ലോഞ്ച് ചെയ്ത ദിവസങ്ങൾ 4.5 സ്റ്റാർ റേറ്റിംഗ് ഉണ്ടായിരുന്ന ഗെയിമിങ് റേറ്റിംഗ് ഇപ്പോൾ 3.2 സ്റ്റാർ ആയി ഇടിയാൻ കാരണമായിട്ടുണ്ട്. ധാരാളം ഉപഭോക്താക്കളാണ് ഫൗജി അത്ര പോരാ എന്ന അഭിപ്രായത്തിൽ ഗൂഗിൾ പ്ലെ സ്റ്റോറിൽ 1 സ്റ്റാർ റേറ്റിംഗ് നൽകുന്നത്.

faug vs pubg

ബെംഗളൂരു ആസ്ഥാനമായി പ്രവർത്തിക്കുന്ന എൻകോർ ഗെയിംസ് ആണ് ഫൗജി (ഹിന്ദിയിൽ പട്ടാളക്കാരൻ എന്ന അർത്ഥമുള്ളത് യാദൃശ്ചികമല്ല) ഗെയിം തയ്യാറാക്കുന്നത്. ആഭ്യന്തര, വിദേശ ഭീഷണികളെ നേരിടുന്ന ഇന്ത്യൻ സുരക്ഷാ സേന അഭിമുഖീകരിക്കുന്ന യഥാർത്ഥ സാഹചര്യങ്ങളെ അടിസ്ഥാനമാക്കിയാണ് ഗെയിം തയ്യാറാക്കിയിരിക്കുന്നത്. പ്രധാനമന്ത്രിയുടെ ആത്മനിർഭർ സംരംഭത്തിൽ നിന്നും പ്രചോദനം ഉൾക്കൊണ്ടാണ് ഫൗജി ഗെയിം തയ്യാറാക്കുന്നത് എന്ന് സിഇഒ വിശാൽ ഗോണ്ടൽ വ്യക്തമാക്കിയിട്ടുണ്ട്. ഗെയിം വഴി ലഭിക്കുന്ന വരുമാനത്തിന്റെ 20 ശതമാനം ഇന്ത്യൻ സൈന്യത്തിലെ ധീരജവാന്മാർക്കായി പ്രവർത്തിക്കുന്ന ‘ഭാരത് കെ വീർ ട്രസ്റ്റ്’ എന്ന സംഘടനയ്ക്ക് നൽകും.

പബ്‌ജി കോർപറേഷൻ അതിനിടെ ഇന്ത്യയ്ക്കായി പ്രത്യേകം ‘പബ്‌ജി മൊബൈൽ ഇന്ത്യ’ പ്രഖ്യാപിച്ചു. ഫ്രാഞ്ചൈസിയായ ചൈനയിലെ ഷെൻ‌ഷെൻ ആസ്ഥാനമായുള്ള ടെൻസെന്റ് ഗെയിംസുമായുള്ള കൂട്ടുകെട്ട് അവസാനിപ്പിച്ചാണ് ദക്ഷിണ കൊറിയൻ കമ്പനിയായ പബ്‌ജി കോർപറേഷൻ ഇന്ത്യയിൽ രണ്ടാം വരവിന് തയ്യാറെടുക്കുന്നത്. ഇന്ത്യൻ വിപണിക്കായി പ്രത്യേകം തയ്യാറാക്കിയ പബ്‌ജി മൊബൈൽ ഇന്ത്യ ഗെയിം ഡാറ്റ സുരക്ഷിതത്വത്തിന്റ കാര്യത്തിൽ ഇന്ത്യൻ നിയമങ്ങൾ പൂർണമായും ഉൾക്കൊണ്ടാണ് എത്തുന്നത് എന്ന് പബ്‌ജി കോർപറേഷൻ വ്യക്തമാക്കുന്നു. പ്രാദേശിക ആവശ്യങ്ങളും, വികാരങ്ങളും മാനിച്ച് മാറ്റങ്ങൾ വരുത്തിയാണ് പബ്‌ജി മൊബൈൽ ഇന്ത്യ ഗെയിം അവതരിപ്പിക്കുക.

Related posts