നടൻ കൃഷ്ണകുമാറും കുടുംബവും മലയാളികൾക്ക് ഏറെ പ്രിയപ്പെട്ടവരാണ്. ഇവരെല്ലാം തന്നെ സോഷ്യല്‍ മീഡിയയില്‍ വളരെ സജീവമാണ്. മാത്രമല്ല കൃഷ്ണകുമാറിന്റെ മക്കളായ അഹാന, ദിയ, ഇഷാനി, ഹന്‍സിക എന്നിവര്‍ക്കെല്ലാം ഒരുപാട് ആരാധകരാണ് ഉള്ളത്. ഇവരെല്ലാം തന്നെ തങ്ങളുടെ വിശേഷങ്ങളും മറ്റും സോഷ്യൽ മീഡിയയിലൂടെ പങ്കുവെക്കുകയും അത് പെട്ടന്ന് തന്നെ വൈറലാകുകയും ചെയ്യാറുണ്ട്. ഇപ്പോഴിതാ ദിയ കൃഷ്ണ, സോഷ്യൽ മീഡിയയിലൂടെ തന്റെ പ്രണയത്തെക്കുറിച്ച് തുറന്നുപറഞ്ഞിരിക്കുകയാണ്.
അടുത്ത സുഹൃത്ത് വൈഷ്‍ണവ് ഹരിചന്ദ്രനാണ് ദിയയുടെ കാമുകൻ. അടുത്ത സുഹൃത്തുമായി താന്‍ പ്രണയത്തിലായിരിക്കുകയാണെന്ന് ഇന്‍സ്റ്റഗ്രാം സ്റ്റോറിയായി ദിയ കുറിച്ചു. എന്‍റെ സോള്‍മേറ്റ്, മേഡ് ഫോര്‍ ഈച്ച് അതര്‍ എന്നൊക്കെ ഇന്‍സ്റ്റഗ്രാം സ്റ്റോറികളില്‍ വൈഷ്‍ണവിനെക്കുറിച്ച് ദിയ കുറിച്ചിട്ടുണ്ട്. ഒരുമിച്ചുള്ള ചിത്രങ്ങളും വീഡിയോകളും ദിയയും വൈഷ്‍ണവും ഇന്‍സ്റ്റഗ്രാമിലൂടെ മുന്‍പും പലപ്പോഴും പങ്കുവച്ചിരുന്നു. എന്നാല്‍ തങ്ങള്‍ പ്രണയത്തിലാണെന്ന കാര്യം ആദ്യമായാണ് വെളിപ്പെടുത്തിയിരിക്കുന്നത്.
ദിയയ്ക്കൊപ്പമുള്ള നിരവധി നിമിഷങ്ങള്‍ കോര്‍ത്ത ഒരു വീഡിയോയിലൂടെ വൈഷ്‍ണവ് ആണ് പ്രണയത്തെക്കുറിച്ച് ആദ്യം സൂചന നല്‍കിയത്. ഒരു കെട്ടുകഥ യാഥാര്‍ഥ്യമായതുപോലെ, എന്നാണ് ദിയയെ ടാഗ് ചെയ്‍ത പോസ്റ്റിനൊപ്പം വൈഷ്‍ണവ് കുറിച്ചത്. ഇതിനു മറുപടിയായി ഐ ലവ് യൂ എന്ന് ദിയ കുറിച്ചതോടെ ആരാധകര്‍ പ്രണയം ഉറപ്പിച്ചു. ദിയയുടെ കമന്‍റിന് നിരവധി ലൈക്കുകളും കമന്‍റുകളുമാണ് ലഭിച്ചിരിക്കുന്നത്.
