മലയാളികൾക്ക് പ്രിയപ്പെട്ട നായികയാണ് ദിവ്യ പിള്ള. ഫഹദ് ഫാസിൽ നായകനാക്കി വിനീത് കുമാർ സംവിധാനം ചെയ്ത അയാൾ ഞാനല്ല എന്ന ചിത്രത്തിലൂടെയാണ് താരം അഭിനയ രംഗത്തെത്തിയത്. ചുരുക്കം സിനിമകളിലൂടെ തന്നെ താരം തന്റെ സ്ഥാനം മലയാള സിനിമയിൽ നേടിയെടുത്തിരുന്നു. ഇപ്പോഴിതാ തേപ്പ് കിട്ടിയിട്ടുണ്ടോ എന്ന ചോദ്യത്തിന് ഉഗ്രൻ മറുപടിയുമായി എത്തിയിരിക്കുകയാണ് താരം. തന്റെ ഏറ്റവും പുതിയ ചിത്രമായ സൈമൺ ഡാനിയലിന്റെ പ്രൊമോഷന്റെ ഭാഗമായി നടന്ന അഭിമുഖത്തിലാണ് താരം മനസ്സ് തുറന്നത്.
താരത്തിന്റെ വാക്കുകൾ ഇങ്ങനെ, തേപ്പ് കിട്ടിയിട്ടുണ്ടോ എന്ന് ചോദിച്ചാൽ ഉണ്ട്. ആർക്കാണ് തേപ്പ് കിട്ടാത്തത്. നല്ലത് പോലെ പറ്റിക്കപ്പെട്ടിട്ടുണ്ട്. പക്ഷെ അതുകൊണ്ട് എല്ലാം തീർന്നു എന്നൊന്നും കരുതുന്നില്ല. കിട്ടിയ തേപ്പ് ഒന്നും അത്ര വലിയ സീരിയസ് ആയിട്ട് എടുത്തിട്ടില്ല. ജീവിതം അങ്ങനെയൊക്കെയാണ് എന്ന രീതിയിൽ ആണ് മുന്നോട്ട് പോകുന്നത് ദിവ്യ പറയുന്നു. കല്യാണത്തെക്കുറിച്ച് താരം മനസ് തുറക്കുന്നത് ഇങ്ങനെ. കല്യാണം എന്തിനാണ് ഇപ്പോൾ വെറുതേ കഴിച്ച് തലവേദന ഉണ്ടാക്കുന്നത്. ഹൊ സ്വസ്തം എന്ന് കഴിച്ചവരിൽ ആരും പറഞ്ഞ് കേട്ടിട്ടില്ല. കല്യാണം കഴിച്ചവരോട് ചോദിച്ചാൽ അവർ തിരിച്ച് ചോദിക്കുന്നത്. എന്തിനാ വെറുതേ വേണ്ടാത്ത പണിക്ക് പോകുന്നത്.
എന്നു കരുതി എനിക്ക് കല്യാണം ഒരു ഡെയ്ഞ്ചറസ് സോൺ ആണെന്ന ചിന്തയൊന്നും ഇല്ല. പക്ഷെ ശരിയായ ആളെ അല്ല കഴിക്കുന്നത് എങ്കിൽ ഒരുപക്ഷെ ഡെയ്ഞ്ചറസ് സോൺ ആണ്. എന്റെ ചിന്താഗതിയോട് യോജിച്ച് പോകുന്ന ഒരു പങ്കാളിയെ കിട്ടിയാൽ തീർച്ചയായും ഞാൻ കല്യാണം കഴിക്കും. എനിക്ക് ഇപ്പോൾ കല്യാണത്തെ കുറിച്ച് ചിന്തിക്കാൻ നേരമില്ല. ഇപ്പോൾ അതിനുള്ള സമയമല്ല. എനിക്ക് ഒരു നല്ല നടിയാവണം. ദിവ്യ പിള്ള പറയുന്നു. ദിവ്യയുടേതായി ഒട്ടനവധി സിനിമകൾ ഈയ്യടുത്ത് റിലീസ് ചെയ്തിരുന്നു. ഇനി വരാനിരിക്കുന്ന സൈമൺ ഡാനിയൽ, ഷഫീഖിന്റെ സന്തോഷം, നാലാംമുറ തുടങ്ങിയ സിനിമകളും അണിയറയിൽ റീലീസ്സിങ്ങിനു ഒരുങ്ങുകയാണ്.
