കഴിഞ്ഞ ദിവസമാണ് വിധു പ്രതാപ് വിധികർത്താവായിയുള്ള റിയാലിറ്റി ഷോയിൽ അഥിതിയായി ഭാര്യ ദീപ്തി വന്നത്. മികച്ച സ്വീകരണം ആണ് ദീപ്തിക്ക് പരുപാടിയിൽ ലഭിച്ചത്. വിശേഷങ്ങൾ എല്ലാം പങ്കുവെക്കുന്ന കൂട്ടത്തിൽ ദീപ്തിക്ക് വിധുവുമായി മറക്കാൻ കഴിയാത്ത ഓർമകളിൽ ഒന്ന് ഏതാണെന്നു അവതാരകർ ചോദിച്ചു. അതിനു വാലെന്റൈൻസ്ഡേ എന്നാണ് ദീപ്തി ഉത്തരം നൽകിയത്. അതിന്റെ കാരണവും ദീപ്തി വ്യക്തമാക്കി, ദീപ്തിയുടെ വാക്കുകൾ ഇങ്ങനെ,
‘വിവാഹം നിശ്ചയം കഴിഞ്ഞതിന് ശേഷമുള്ള ആദ്യ പ്രണയദിനമായിരുന്നു അത്. തലേദിവസം വിധു ചേട്ടന് എന്നെ ഫോണില് വിളിച്ചു പറഞ്ഞു, നാളെ വാലന്റൈന്സ് ഡേ അല്ലേ, നമുക്കൊരു കാന്ഡില് ലൈറ്റ് ഡിന്നറിനു പോകാം എന്ന്. അത് കേട്ടപ്പോൾ എനിക്ക് ഭയങ്കര സന്തോഷം വന്നു. പോകാം എന്ന് ഞാൻ മറുപടിയും പറഞ്ഞു. പിറ്റേദിവസം എന്നെ കൂട്ടാൻ വേണ്ടി വിധു ചേട്ടൻ വീട്ടിൽ വന്നു. ഞാൻ ചേട്ടന് കൊടുക്കാൻ വേണ്ടി സമ്മാനമൊക്കെയായി താഴെ ഇറങ്ങി വന്നപ്പോൾ കണ്ടത് അച്ഛനും അമ്മയും വിധു ചേട്ടനും കൂടി നിൽക്കുന്നതാണ്. ദീപ്തി പറഞ്ഞു. ഇത് കേട്ടപ്പോഴേക്കും ഗംഭീര കയ്യടിയും പൊട്ടിചിരിയുമാണ് മറ്റുള്ളവരുടെ ഭാഗത്ത് നിന്നും ഉണ്ടായത്. 
അത് പിന്നെ ഞാൻ ‘മിഥുനം’ എന്ന മോഹന്ലാല് ചിത്രം പുനരാവിഷ്കരിക്കാന് ശ്രമിച്ചതാണെന്നായിരുന്നു വിധു പറഞ്ഞ മറുപടി. ചിത്രത്തിലെ നായകന്റെയും നായികയുടെയും ഹണിമൂണ് യാത്ര പോലെ പ്രണയദിനത്തിലെ കാന്ഡില് ലൈറ്റ് ഡിന്നറിന് വീട്ടുകാരെ കൂടെ കൂട്ടിയതെന്നായിരുന്നു വിധു പറഞ്ഞത്. അങ്ങനെ വിധുവിന്റെയും ദീപ്തിയുടെയും വാലന്റൈന്സ്ഡേ ആഘോഷത്തിന്റെ കഥയ്ക്ക് വമ്പന് വരവേല്പ്പാണ് വേദിയില് ലഭിച്ചത്.
