പൃഥ്വിരാജിനെ നായകനാക്കി പുതിയതായി നിർമിക്കുന്ന സിനിമയിലേക്ക് അഭിനേതാക്കളെ തേടുന്നു. തന്റെ ഫേസ്ബുക്ക് പേജിലൂടെ പ്രിഥ്വിരാജ് തന്നെയാണ് അഭിനേതാക്കളെ തേടുന്നതായി അറിയിച്ചത്. ചിത്രം നിര്‍മ്മിക്കുന്നത് പൃഥ്വിരാജ് പ്രൊഡക്ഷന്‍സിന്റെ ബാനറിലാണ്.
ഊര്‍ജസ്വലരായ പെണ്‍കുട്ടികളെയും ഐഡന്റിറ്റിക്കലും അല്ലാത്തതുമായ ട്വിന്‍സിനേയും ആണ് ആവശ്യം. 15നും 18നുമിടയിൽ പ്രായമുളളവരായിരിക്കണം. കൂടുതൽ മുന്‍ഗണന ആയോധനകലകളിൽ പ്രാവീണ്യമുളളവര്‍ക്കായിരിക്കും. താല്‍പര്യമുളള ആളുകൾ ബയോഡേറ്റ അയക്കുവാനും ആവശ്യപ്പെടുന്നുണ്ട്. ചിത്രത്തെ സംബന്ധിക്കുന്ന വിവരങ്ങളൊന്നും തന്നെ പുറത്തുവിട്ടിട്ടില്ല.
പൃഥ്വിരാജ് ഇപ്പോള്‍ അഭിനയിക്കുന്നത് ഭ്രമം എന്ന സിനിമയിലാണ്. ഭ്രമം, അന്ധാധുൻ എന്ന ബോളിവുഡ് വിജയചിത്രത്തിന്റെ മലയാളം റീമെയ്ക്കാണ്. ചിത്രം സംവിധാനം ചെയ്യുന്നത് പ്രമുഖ ഛായാഗ്രഹകന്‍ രവി കെ ചന്ദ്രനാണ്. ആദ്യമായി രവി കെ ചന്ദ്രന്‍ സംവിധാനം ചെയ്യുന്ന ചിത്രം കൂടിയാണിത്. ചിത്രത്തിലെ കേന്ദ്ര കഥാപാത്രം പൃഥ്വിരാജാണ്. ചിത്രത്തിലെ മറ്റ് പ്രധാന കഥാപാത്രങ്ങള്‍ മംമ്ത മോഹന്‍ദാസ്, ശങ്കര്‍ എന്നിവരാണ്.
