അഞ്ച് വർഷത്തെ ഇടവേളയ്ക്ക് ശേഷം ഭാവന മലയാള സിനിമയിൽ സജീവമാകാൻ ഒരുങ്ങുന്നു.
26ാമത് രാജ്യാന്തര ചലച്ചിത്രമേളയിൽ മുഖ്യാതിഥിയായി നടി ഭാവന. നിശാഗന്ധി ഓഡിറ്റോറിയത്തിൽ വെച്ച് നടന്ന ഉദ്ഘാടന ചടങ്ങിലാണ് ഭാവന മുഖ്യാതിഥിയായത്. ഇപ്പോൾ ന്റിക്കാക്കാക്കൊരു പ്രേമണ്ടാര്ന്ന്! എന്ന ചിത്രത്തിലൂടെ ഭാവന മലയാള സിനിമയിലേക്കും തിരിച്ചു വരവ് നടത്തുകയാണ്. ആദിൽ അഷ്റഫാണ് ചിത്രം സംവിധാനം ചെയ്യുന്നത്. റെനീഷ് അബ്ദുള് ഖാദര് ചിത്രം നിര്മ്മിക്കും. ഷറഫുദ്ദീനും ഭാവനയുമാണ് കേന്ദ്ര കഥാപാത്രങ്ങള്.
അതിക്രമം നേരിട്ട ശേഷം ഇതാദ്യമായാണ് ഭാവന പൊതു പരിപാടിയിൽ പങ്കെടുക്കുന്നത്. തന്റെ അഭിമാനം ചിതറിത്തെറിച്ചെന്നും അത് വീണ്ടെടുക്കുമെന്നും നടി മാധ്യമ പ്രവര്ത്തക ബര്ഖാ ദത്തിന് നല്കിയ തത്സമയ അഭിമുഖത്തിനിടെ പ്രതികരിച്ചു. താന് ഇരയല്ല അതിജീവിതയാണെന്നും ഭാവന പറയുകയുണ്ടായി. കുറച്ചുവര്ഷങ്ങളായി ഭാവന മലയാള സിനിമയില് നിന്ന് മാറി നില്ക്കുകയായിരുന്നു. കന്നഡ, തമിഴ് ഭാഷകളില് സജീവമായി തുടര്ന്നു. ഈയിടെയാണ് നടി താന് നേരിട്ട അതിക്രമങ്ങളേക്കുറിച്ച് പരസ്യമായി പ്രതികരിച്ച് രംഗത്തെത്തിയത്.
