ഇന്ദ്രന്സിനെ കേന്ദ്രകഥാപാത്രമാക്കി എത്തിയ ഏറ്റവും പുതിയ ചിത്രമാണ് ‘ഹോം ‘. ഓഗസ്റ്റ് 19ന് ആമസോണ് പ്രൈമിലാണ് ചിത്രം റിലീസ് ചെയ്തത്. മികച്ച പ്രേക്ഷക പ്രതികരണമാണ് ലഭിച്ച് കൊണ്ടിരിക്കുന്നത്. തെന്നിന്ത്യന് സംവിധായകന് എആര് മുരുഗദോസ് ഉള്പ്പെടെ നിരവധി പേര് ചിത്രത്തെ അഭിനന്ദിച്ച് രംഗത്തെത്തിയിരുന്നു. കഴിഞ്ഞ നാല്പ്പതുവര്ഷങ്ങളായി പ്രേക്ഷകരെ ചിരിപ്പിക്കുകയും കരയിപ്പിക്കുകയും അമ്പരപ്പിക്കുകയും ചെയ്ത ഇന്ദ്രന്സ് എന്ന നടനെ വേറൊരു കളറില് ഈ സിനിമയില് കാണാം! സിനിമ കണ്ടിറങ്ങുമ്പോള് മനസില് അവശേഷിക്കുന്നതും ഇന്ദ്രന്സിന്റെ ഒരു പുഞ്ചിരിയാണ്. ഇന്ദ്രന്സിന് മാത്രം സാധ്യമാകുന്ന ആ ചിരിയിലുണ്ട് ഹോം എന്ന സിനിമ പങ്കുവയ്ക്കുന്നതെല്ലാം.
നിര്മാതാവ് എന്.എം.ബാദുഷ ഇന്ദ്രന്സിനെ കുറിച്ച് ഫേസ്ബുക്കില് കുറിച്ച പോസ്റ്റാണ് ഇപ്പോള് ശ്രദ്ധ നേടുന്നത്. തന്റെ സിനിമയില് അഭിനയിക്കാന് എത്തിയപ്പോള് ഇന്ദ്രന്സ് പറഞ്ഞ വാക്കുകളെ കുറിച്ചാണ് ബാദുഷ ഫേസ്ബുക്കില് കുറിച്ചിരിക്കുന്നത്. ഒരു വിശ്രമവും ഇല്ലാതെ രാത്രി വരെ തന്റെ കഥാപാത്രം ഗംഭീരമാക്കിയിട്ട് ഇതിന് പണം വേണ്ട, സ്നേഹം മാത്രം മതിയെന്നായിരുന്നു ഇന്ദ്രന്സ് ബാദുഷയോട് പറഞ്ഞത്.
ബാദുഷയുടെ ഫേസ്ബുക്ക് പോസ്റ്റിന്റെ പൂര്ണ രൂപം ഇങ്ങനെ, ഹോമില് നിന്നും എന്റെ മെയ്ഡ് ഇന് കാരവാനില് വന്ന് എന്റെ സിനിമയെ പൂര്ണതയില് എത്തിച്ചു. ഇന്ദ്രന്സ് ചേട്ടാ എന്ത് പാവമാണ് നിങ്ങള്. രാവിലെ ഏഴു മുതല് ഉച്ചകഴിഞ്ഞ് രണ്ടു വരെ മറ്റൊരു സിനിമയില് അഭിനയിച്ച ശേഷമാണ് എന്്റെ സിനിമയുടെ സെറ്റില് അദ്ദേഹമെത്തിയത്. എത്തിയ ഉടന് ഒരു വിശ്രമവുമില്ലാതെ രാത്രി ഒൻപതര ഞങ്ങളുടെ സെറ്റില് അദ്ദേഹം അഭിനയിച്ചു. ഷൂട്ടിംങ്ങ് കഴിഞ്ഞ് ഞാന് കൊടുത്ത പാരിതോഷികം സ്വീകരിക്കാതെ അദ്ദേഹം പറഞ്ഞു, ഇതു ബാദുജിയുടെ ഭാര്യ നിര്മ്മിക്കുന്ന, സ്വന്തം കുടുംബത്തില് നിന്നുള്ള ചിത്രമല്ലെ ഇതിന് എനിക്ക് നിങ്ങളുടെ സ്നേഹം മാത്രം മതി . ആ സ്നേഹത്തിനുമുന്നില് എന്റെ കണ്ണുകള് നിറഞ്ഞു പോയി.ഹോമില് നിങ്ങളെന്നെ കരയിപ്പിച്ചു. ഇപ്പോള് നേരിട്ട് വന്ന് ജീവിതത്തില് സ്നേഹം കൊണ്ട് കരയിപ്പിക്കുന്നു, നന്ദി ഇന്ദ്രന്സ് ചേട്ടാ.
ഫ്രൈഡെ ഫിലിം ഹൗസിന്റെ ബാനറില് വിജയ് ബാബുവാണ് ഹോം ചിത്രം നിര്മ്മിച്ചത്. നീല് ഛായാഗ്രഹണം നിര്വ്വഹിക്കുന്ന ചിത്രത്തിന്റെ എഡിറ്റര് പ്രജീഷ് പ്രകാശാണ്. രാഹുല് സുബ്രഹ്മണ്യമാണ് ചിത്രത്തില് സംഗീതം ഒരുക്കിയിരിക്കുന്നത്. 2013ല് പുറത്തിറങ്ങിയ ഫിലിപ്സ് ആന്റ് മങ്കി പെന് എന്ന ചിത്രത്തിന്റെ അതേ ടീമാണ് ഹോം എന്ന ചിത്രവും ഒരുക്കുന്നത്. ശ്രീനാഥ് ഭാസി, മഞ്ജു പിള്ള, നസ്ലിന്, വിജയ് ബാബു, ജോണി ആന്റണി, മണിയന്പിള്ള രാജു, ശ്രീകാന്ത് മുരളി, കെപിഎസി ലളിത, അജു വര്ഗ്ഗീസ്, പ്രിയങ്ക നായര്, മിനോണ് എന്നിവരാണ് ചിത്രത്തിലെ മറ്റ് കഥാപാത്രങ്ങള്.
