മുഖത്ത് ഏറ്റവും എളുപ്പത്തില്‍ ചെയ്യാവുന്ന സൗന്ദര്യ സംരക്ഷണ വഴിയാണ് പാല്‍ മുഖത്തു പുരട്ടുകയെന്നത്. തിളപ്പിയ്ക്കാത്ത നല്ല ശുദ്ധമായ പാലാണ് ഏറെ നല്ലത്. ചര്‍മത്തിന്റെ ഒരു പിടി പ്രശ്‌നങ്ങള്‍ക്കു പരിഹാരം കാണാന്‍ സഹായിക്കുന്ന ഒന്നാണിത്.പച്ചപ്പാല്‍ വരണ്ട ചര്‍മത്തിനുള്ള നല്ലൊന്നാന്തരം പരിഹാരമാണ്. ഇത് ചര്‍മ കോശങ്ങള്‍ക്കടിയിലേയ്ക്കു കടന്ന് ചര്‍മത്തിന് ഈര്‍പ്പം നല്‍കുന്നു. ചര്‍മത്തിന് മോയിസ്ചറൈസേഷന്‍ നല്‍കുന്നു.
നല്ലൊരു മോയിസ്ചറൈസറാണ് പാല്‍.ചര്‍മത്തിന് ഈര്‍പ്പം നല്‍കുന്ന പാല്‍ സ്വഭാവം ചര്‍ത്തിലെ ചുളിവുകളും വരണ്ട ചര്‍മവുമെല്ലാം നീക്കാന്‍ ഏറെ നല്ലതാണ്. വരണ്ട സ്വഭാവമാണ് ഒരു പരിധി വരെ ചര്‍മത്തിന് ഇത്തരം പ്രശ്‌നങ്ങള്‍ വരുത്തുന്നതും പ്രായക്കൂടുതല്‍ നല്‍കുന്നതും. ഇതിനുളള നല്ലൊരു പരിഹാരമാണ് പാല്‍ മുഖത്തു പുരട്ടുന്നത്. പാലിലെ പല പോഷകങ്ങളും ചര്‍മത്തിനു നിറം നല്‍കുന്ന ഘടകമായി വര്‍ത്തിയ്ക്കുന്നു. സ്വാഭാവിക രീതിയില്‍ ഇതു ചര്‍മത്തിന് നിറം നല്‍കും.
പാലില്‍ ചന്ദനം, മഞ്ഞള്‍ പോലുള്ളവ കലര്‍ത്തി പുരട്ടിയാലും ഗുണം ഇരട്ടിയാകുംഇത് സൂര്യന്റെ അള്‍ട്രാ വയലറ്റ് രശ്മികളില്‍ നിന്നും ചര്‍മത്തിന് സംരക്ഷണം നല്‍കുന്നു. പുറത്തിറങ്ങുന്നതിനു മുന്‍പിത് പുരട്ടിയാല്‍ സംരക്ഷണം ലഭിയ്ക്കും. ടാനായി തിരികെ വന്ന് ഇതു പുരട്ടിയാല്‍ ടാന്‍ മാറും. ചര്‍മത്തിന് തണുപ്പു നല്‍കാനും ഇതേറെ നല്ലതാണ്.കണ്ണിനു താഴേയുള്ള കറുപ്പിനും പാല്‍ നല്ലൊരു പരിഹാരമാണ്. ഇത് ദിവസവും കണ്ണിനു താഴേ പുരട്ടി നോക്കൂ.
നല്ല വ്യത്യാസമുണ്ടാകും. ഇതു പോലെ തണുത്ത പാലില്‍ പഞ്ഞി മുക്കി കണ്ണിനു മുകളില്‍ വയ്ക്കുന്നത് കണ്ണിന് കുളിര്‍മയും ഉണര്‍വും നല്‍കാന്‍ ഇതേറെ നല്ലതാണ്. കണ്ണിന് തിളക്കവും ലഭിയ്ക്കും.ദിവസവും കുളിയ്ക്കുന്ന വെള്ളത്തില്‍ അല്‍പം പാല്‍ കലര്‍ത്തി കുളിച്ചു നോക്കൂ. ഇതു ചര്‍മത്തിന് ഏറെ നല്ലതാണ്. ചര്‍മത്തിന് ഉണര്‍വും ഈര്‍പ്പവും നല്‍കുന്ന ഇത് അലര്‍ജി പോലുള്ള പ്രശ്‌നങ്ങള്‍ക്കും ചൂടുകുരുവിനുമെല്ലാം നല്ല പരിഹാരമാണ്. തണുത്ത പാല്‍ ചൂടു കുരുവിന് മുകളില്‍ പുരട്ടിയാല്‍ തന്നെ ആശ്വാസം ലഭിയ്ക്കും.
