സത്യഭാമ എന്ന പേരിലൂടെ മലയാളികളുടെ പ്രിയപ്പെട്ട നടിയായി മാറിയ താരമാണ് അനു ജോസഫ്. നിരവധി സിനിമകളിലും സീരിയലുകളിലും ശ്രദ്ധേയമായ വേഷങ്ങൾ ചെയ്തിരുന്നു എങ്കിലും അനുവിനെ മലയാളികൾ ഇന്നും സത്യഭാമയായിട്ടാണ് കാണുന്നത്. ഓവർ ആക്ടിങ് ഒന്നും ഇല്ലാതെ പതിനഞ്ചു വർഷത്തിൽ അധികമായിട്ട് അനു മലയാളികളുടെ സ്വീകരണ മുറിയിലെ താരാമാണ്. രൂപത്തിലും ഭാവത്തിലും അന്നും ഇന്നും മാറ്റവും വരാത്ത നടിമാരിൽ ഒരാൾ കൂടിയാണ് അനു ജോസഫ്. എന്താണ് ഈ സൗന്ദര്യത്തിനു പിന്നിൽ അല്ലെങ്കിൽ എങ്ങിനെയാണ് തടി വയ്ക്കാതെ ഈ ബോഡി മെയിന്റയിൻ ചെയ്തു പോകുന്നത് എന്ന് പലരും അനുവിനോട് ചോദിച്ചിട്ടുണ്ട്. ഒരു വ്ളോഗർ കൂടിയായ അനു പ്രേക്ഷരുടെ സ്ഥിരം ചോദ്യത്തിന് മറുപടി നൽകുകയാണ് ഇപ്പോൾ.
കാലത്തു ഒരു ഗ്രീൻ ടീ കുടിച്ചുകൊണ്ടാണ് തന്റെ തുടക്കം എന്ന് പറയുകയാണ് അനു. പിന്നീട് മുട്ടയുടെ വെള്ള ഉപയോഗിച്ചുകൊണ്ട് ഓംലെറ്റ് ആണ് കഴിക്കുന്നത്. തടി കുറയാൻ ആദ്യം ഒഴിവാക്കേണ്ടത് പാലും മധുരവും ആണ് എന്നും അനു പറയുന്നു. മുട്ട ഓംലെറ്റ് അടിക്കാനായി മഷ്റൂം, കുരുമുളക്, ചീസ്, തക്കാളി , സവാള എന്നിവയും ഒരു നുള്ള് ഉപ്പും ചേർക്കാം എന്നും അനു നിർദ്ദേശിച്ചു. എന്തൊക്കെ ആണെകിലും ടേസ്റ്റ് മുഖ്യം ആണല്ലോ എന്നും താരം പറയുന്നു.
ഉച്ചക്ക് താൻ സാലഡ് ആണ് കഴിക്കുന്നത്,. ജലാംശം കൂടുതലുള്ള കുക്കുംബറും, ക്യാരറ്റും ആണ് കഴിക്കുക.ഒപ്പം ചോറ് മുഴുവനായി ഒഴിവാക്കികൊണ്ട് ചപ്പാത്തിയുടെ കൂടെ ലീഫി വെജിറ്റബിൾ ഉൾപ്പെടുത്താനും അനു നിർദ്ദേശിച്ചു.
ചിലവ് ചുരുക്കിയ ഒരു ഹെൽത്തി പ്ലാൻ ആണ് താൻ ഡയറ്റിൽ ഉൾപ്പെടുത്തുന്നത്. നേന്ത്രപ്പഴം ദിവസവും കഴിക്കുന്നത് നല്ലതാണ് എങ്കിലും അനീമിക് ആയ ആളുകൾ കഴിക്കുന്നതാകും കൂടുതൽ നല്ലത് എന്നും അനു ഉപദേശിച്ചു. രാത്രി ഏഴുമണിക്ക് മുൻപേ ഭക്ഷണം കഴിക്കണം എന്ന് നിർബന്ധം ആണ്. അതിനു താൻ തെരഞ്ഞെടുക്കുന്നത് ആപ്പിളും തണ്ണിമത്തനും ആണ്. പിന്നെ ആവശ്യമെങ്കിൽ മാത്രം ബ്ലാക്ക് കോഫി ഷുഗർ ഇല്ലാതെ കുടിക്കാം എന്നും അനു പറയുന്നു. മതിയായ ഉറക്കം ആണ് ആവശ്യമെന്നും, വിശക്കുമ്പോൾ മാത്രം ഭക്ഷണം കഴിക്കാനും അനു വീഡിയോയിലൂടെ പറയുന്നു. മാത്രമല്ല ആഴ്ചയിൽ ഒരു ദിവസം ഫാസ്റ്റിങ് എടുക്കുന്നത് വളരെ നല്ലതാണു എന്നും അനു ഉപദേശിച്ചു
