BY AISWARYA
ലാല് ജോസിന്റെ ഡയമണ്ട് നെക്ലേസിലൂടെ അഭിനയരംഗത്തേക്ക് എത്തിയതാണ് നടി അനുശ്രീ. ഈയിടെ ലാല് ജോസ് ഒരു അഭിമുഖത്തിനിടെ അനുശ്രീയെക്കുറിച്ച് പറഞ്ഞ വാക്കുകള് വൈറലായി മാറിയിരുന്നു.ഈ അവസരത്തിലാണ് തന്റെ ആദ്യ സിനിമയുടെ ഓര്മ്മകള് അനുശ്രീ പങ്കുവെക്കുന്നത്. ഫെയ്സ്ബുക്ക് പോസ്റ്റിലൂടെയാണ് ഇക്കാര്യം തുറന്നുപറയുന്നത്.
ലാല്ജോസ് സാര് കൊടുത്ത അഭിമുഖത്തിലെ ഈ വാക്കുകള് ഇന്നലെ രാത്രി വായിച്ചതിനു ശേഷം ഞാന് ഇത് പോസ്റ്റ് ചെയ്യുന്നത് വരെ അതെന്നെ 2011-2012 കാലഘട്ടത്തിലെ എന്റെ ഒരുപാട് ഓര്മ്മകളിലേക്ക് കൂട്ടിക്കൊണ്ടു പോയി…ഇതെഴുതുമ്പോള് എത്ര വട്ടം എന്റെ കണ്ണുകള് നിറഞ്ഞു ഒഴുകി എന്നു എനിക്കറിയില്ല….സര് പറഞ്ഞ പോലെ റിയാലിറ്റി ഷോയിലെ ആദ്യ കൂടിക്കാഴ്ചയില് ഞാന് അണിഞ്ഞിരുന്നത് ഒരു പഴയ ചപ്പല് തന്നെ ആയിരുന്നു…അതേ ഉണ്ടായിരുന്നുള്ളു അന്ന്,” അനുശ്രീ കുറിച്ചു.”അന്നു മത്സരിക്കാന് എത്തിയ ബാക്കി ആള്ക്കാരുടെ വസ്ത്രം, രൂപം ഒക്കെ കണ്ട് നമുക്കിത് പോലെ ഒന്നും പറ്റില്ല അമ്മേ എന്നു പറഞ്ഞു തിരിച്ചു പോകാന് തുടങ്ങിയ എന്നെ അന്ന് പിടിച്ചു നിര്ത്തിയത് സൂര്യ ടിവിയിലെ ഷോ കോഡിനേറ്റര് വിനോദ് ചേട്ടനാണ്…ആദ്യദിവസങ്ങളില് ഒരുപാട് ബുദ്ദിമുട്ടി…ഞാന് ഒന്നും ഒന്നും അല്ല എന്ന ഒരു തോന്നല് മനസിനെ വല്ലാതെ ബുദ്ദിമുട്ടിച്ചിരുന്നു അന്നൊക്കെ.അങ്ങനെ ആദ്യ സിനിമയുടെ ഷൂട്ടിങ് തുടങ്ങുന്നത് ദുബായ് യില്…എന്റെ കൂടെ വരാനായി അമ്മക്കും പാസ്പോര്ട്ട് എടുത്തു.
തിരുവനന്തപുരം, എറണാകുളം എന്നീ സ്ഥലങ്ങളില് കൂടുതല് ഒന്നും അറിയാത്ത ഞാന് ദുബായ് യിലേക്ക്..ഷൂട്ടിംഗ് ഒക്കെ ഒന്നു കണ്ടു പഠിക്കാന് 2,3 ദിവസം മുന്നേ ലാല് സര് എന്നെ അവിടെ എത്തിച്ചിരുന്നു. അന്ന് ലാല്ജോസ് സര് തന്ന മോട്ടിവേഷനില് എന്റെ കോംപ്ലക്സ് ഒക്കെ മാറ്റിനിര്ത്തി ഒടുവില് ഞാന് കലാമണ്ഡലം രാജശ്രീ ആയി..ഭര്ത്താവായ അരുണ് നെ കാണാന് എയര്പോര്ട്ട് എസ്കലേറ്ററില് കയറുന്ന രാജശ്രീ…അതായിരുന്നു എന്റെ സിനിമയിലെ ആദ്യത്തെ ഷോട്ട്…..അങ്ങനെ അന്ന് മുതല് മനസിലുള്ള ഇന്ഹിബിഷന് ഒക്കെ മാറ്റി അഭിനയിക്കാന് തുടങ്ങി…ഒരു നടി ആകാന് തുടങ്ങി…ദുബായ് ഷെഡ്യൂള് കഴിഞ്ഞു, നാട്ടിലെ ഷെഡ്യൂള് കഴിഞ്ഞു വീണ്ടും കമുകുചേരിയിലേക്ക്… ഒരുപാട് സന്തോഷത്തോടെ ആണ് വരവ്…ആള്ക്കാര് വരുന്നു, സപ്പോര്ട്ട് ചെയ്യുന്നു,അനുമോദിക്കുന്നു,പ്രോഗ്രാം വെക്കുന്നു എന്നൊക്കെ ആണ് മനസിലെ പ്രതീക്ഷകള് പക്ഷെ ഇടക്ക് എപ്പഴൊക്കെയോ നാട്ടില് എത്തിയപ്പോള് നാട്ടുകാരുടെ ആറ്റിറ്റിയൂഡില് എന്തോ ഒരു മാറ്റം തോന്നിയിരുന്നു…അനുശ്രി കുറിച്ചു.
”ഡബ്ബിങ് ഒക്കെ കഴിഞ്ഞു വീണ്ടും നാട്ടിലെത്തിപ്പോഴേക്കും ഞാനും അമ്മയും എന്തോ തെറ്റുകാരായി മുദ്ര ചാര്ത്തപ്പെട്ടിരുന്നു…ആ സമയത്തൊക്കെ അണ്ണന് ഗള്ഫില് ആയിരുന്നു…അച്ഛന് ഞങ്ങളോട് ഒന്നും പറഞ്ഞതും ഇല്ല..വിഷമിപ്പിക്കണ്ട എന്നു കരുതിയാകും..പക്ഷെ നാട്ടില് ഞങ്ങളെ പറ്റി പറയുന്ന കഥകള് എല്ലാം എന്റെ cousins എന്നോട് പറയുന്നുണ്ടായിരുന്നു…എന്തോരം കഥകളാണ് ഞാന് കേട്ടത്…ആ ദിവസങ്ങളില് ഞാന് കരഞ്ഞ കരച്ചില് ഒരു പക്ഷെ ഞാന് ജീവിതത്തില് പിന്നീട് കരഞ്ഞു കാണില്ല…കരച്ചില് അടക്കാന് വയ്യാതെ സഹിക്കാന് വയ്യാതെ പഴയ വീടിന്റെ അലക്കു കല്ലില് പോയിരുന്നു ഞാന് ലാല്ജോസ് സര് നെ വിളിച്ചു കരഞ്ഞിട്ടുണ്ട്.
https://www.facebook.com/actressanusree/posts/497032571781591
നീ അതൊന്നും മൈന്ഡ് ചെയ്യണ്ട ആയിരം കുടത്തിന്റെ വായ മൂടിക്കെട്ടാം പക്ഷെ മനുഷ്യന്റെ വായ മൂടി കെട്ടാന് പറ്റില്ല എന്നായിരുന്നു സര് ന്റെ മറുപടി..ഒരു തുടക്കക്കാരി എന്ന നിലയില് എനിക്ക് ആദ്യമായി കിട്ടിയ ഉപദേശം അതായിരുന്നു.. അന്നൊക്കെ നാട്ടിലെ റോഡില് കൂടി നടക്കുമ്പോള് പണ്ട് കൂട്ടായിരുന്നവര് തിരിഞ്ഞു നിന്നതും,,തിരിഞ്ഞു കൂട്ടുകാരോട് എന്നെയും അമ്മയെയും ഓരോന്നു പറഞ്ഞു ചിരിച്ചതും ഒക്കെ അന്ന് എന്നെ വല്ലാതെ വിഷമിപ്പിച്ചിരുന്നു….ഒരു മീഡിയ ടീം എന്റെ വീട്ടില് വന്നു ഇന്റര്വ്യൂ എടുത്തപ്പോള് സംസാരിക്കുന്നതിന്റെ ഇടയില് അച്ഛന് പൊട്ടികരഞ്ഞത് ഞാന് ഇപോ ഓര്ക്കുന്നു..എന്നെയും അമ്മയെയും പറയുന്നത് കേട്ട് എന്തു മാത്രം വിഷമം ഉണ്ടായിരുന്നിട്ടാകും അച്ഛന് അന്ന് കരഞ്ഞു പോയത്..ഇതൊക്കെ ഞാന് പറയുന്ന ഒരേ ഒരാള് ലാല്ജോസ് സര് ആയിരുന്നു..ഒരു പക്ഷെ എന്റെ call ചെല്ലുമ്പോഴൊക്കെ സര് മനസില് വിചാരിച്ചിരുന്നിരിക്കാം ഇന്ന് എന്തു പ്രശ്നം പറയാന് ആണ് അനു വിളിക്കുന്നത് എന്ന്..പക്ഷെ ഒരു പ്രാവശ്യം പോലും എന്നെ സമാധാനിപ്പിക്കാതെ സാര് ഫോണ് വെച്ചിട്ടില്ല…