ആദ്യമായി സിനിമ നിർമാണരംഗത്തേക്ക് കടന്ന് ആമസോൺ പ്രൈം വിഡിയോ. ആമസോൺ പ്രൈം വീഡിയോയുടെ ആദ്യ ചിത്രം ബോളിവുഡ് സൂപ്പര് താരം അക്ഷയ് കുമാർ നായകനാകുന്ന ‘രാം സേതു’ ആണ്. ആമസോൺ പ്രൈം സഹകരിക്കുന്നത് സിനിമയുടെ സഹനിർമാതാക്കളായാണ്. അഭിഷേക് ശർമ്മ സംവിധാനം ചെയ്യുന്ന ഈ ചിത്രം ‘എന്തിരൻ 2 ‘ വിന് ശേഷം അക്ഷയ് കുമാർ – ലൈക പ്രൊഡക്ഷൻസ് ഒന്നിച്ചെത്തുന്ന സിനിമയാണ്.
ഈ മാസം 18ന് അയോധ്യയിൽ വെച്ച് സിനിമയുടെ ചിത്രീകരണം തുടങ്ങും. അക്ഷയ് കുമാർ ഈ ചിത്രത്തിൽ എത്തുന്നത് ആർക്കിയോളജിറ്റിന്റെ വേഷത്തിലാണ്. ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത് നുസ്രത്ത് ബറുച്ച, ജാക്വലിൻ ഫെർണാണ്ടസ് എന്നിവരാണ്.
ആക്ഷൻ-അഡ്വഞ്ചർ വിഭാഗത്തിൽപ്പെടുന്ന ഈ ചിത്രം കേപ് ഓഫ് ഗുഡ് ഫിലിംസ്, അബുണ്ടാന്റിയ എന്റര്ടെയ്ൻമെന്റ്സ്, ലൈക പ്രൊഡക്ഷൻസ്, പ്രൈം വീഡിയോ എന്നിവര് ചേര്ന്നാണ് നിർമ്മിക്കുന്നത്. രാം സേതു ചിത്രീകരിക്കുന്നത് ഇന്ത്യയുടെ സാംസ്കാരികവും ചരിത്രപരവുമായ ഒരു കഥയെ അടിസ്ഥാനമാക്കിയാണ്.
