തിരക്കഥാകൃത്തും നടനുമായ പി ബാലചന്ദ്രന് അന്തരിച്ചു. അദ്ദേഹം അഭിനയിച്ച അവസാന ചിത്രം മമ്മൂട്ടിയുടെ വണ്‍ ആയിരുന്നു. ഇവന്‍ മേഘരൂപന്‍ എന്ന സിനിമയിലൂടെയാണ് പി ബാലചന്ദ്രൻ ചലച്ചിത്രസംവിധായകനാകുന്നത്. കൂടാതെ ഉള്ളടക്കം, അങ്കിള്‍ ബണ്‍, പവിത്രം, തച്ചോളി വര്‍ഗ്ഗീസ് ചേകവര്‍, അഗ്‌നിദേവന്‍, മാനസം, പുനരധിവാസം, പോലീസ് തുടങ്ങിയ ചിത്രങ്ങള്‍ക്ക് തിരക്കഥയും സംഭാഷണവുമെഴുതി.
തൃശൂര്‍ സ്‌കൂള്‍ ഓഫ് ഡ്രാമയിൽ അഭിനയ പരിചയം നേടിയ ശേഷം വക്കാലത്ത് നാരായണന്‍ കുട്ടി, ശേഷം, പുനരധിവാസം, ശിവം, ജലമര്‍മ്മരം, ട്രിവാന്‍ഡ്രം ലോഡ്ജ് തുടങ്ങിയ ചിത്രങ്ങളില്‍ ശ്രദ്ധേയമായ കഥാപാത്രങ്ങളെ അവതരിപ്പിച്ചു. പാവം ഉസ്മാന്‍ധ1പധ2പ എന്ന നാടകത്തിലൂടെ 1989ലെ മികച്ച നാടകരചനക്കുള്ള കേരള സാഹിത്യ അക്കാദമി അവാര്‍ഡ് പി ബാലചന്ദ്രന് ലഭിച്ചു. പ്രതിരൂപങ്ങള്‍ എന്ന നാടകത്തിന് 1989ല്‍ അദ്ദേഹം കേരളസംസ്ഥാന പ്രൊഫഷണല്‍ നാടക അവാർഡിന് അർഹനായി. കൂടാതെ മികച്ച നാടക രചനക്കുള്ള 2009ലെ കേരള സംഗീതനാടക അക്കാദമി അവാര്‍ഡും പി ബാലചന്ദ്രനായിരുന്നു.
പുനരധിവാസം എന്ന ചിത്രത്തിന്റെ തിരക്കഥക്ക് 1999ലെ കേരള ചലച്ചിത്ര അക്കാദമി അവാര്‍ഡ് ലഭിച്ചു. പി ബാലചന്ദ്രൻ ജനിച്ചത് കൊല്ലം ജില്ലയിലെ ശാസ്താം കോട്ടയില്‍ പദ്മനാഭപിള്ളയുടെയും സരസ്വതിഭായിയുടെയും മകനായിട്ടാണ്. അദ്ദേഹം മലയാളത്തിലെ അറിയപ്പെടുന്ന എഴുത്തുകാരനും സാഹിത്യ അക്കാദമി അവാര്‍ഡ് ജേതാവുമായിരുന്നു. കൂടാതെ ചലച്ചിത്ര കഥ-തിരക്കഥാകൃത്ത് എന്ന നിലയിലും അദ്ദേഹം ശ്രദ്ധേയനാണ്.
